បាល់ទាត់អន្តរជាតិ

Atletico Madrid កំពុងពិចារណាលើការផ្ទេរខ្សែការពារ Aaron Wan-Bissaka

Published

2 years ago

May 9, 2022

Lee Lee

យោងតាមរបាយការណ៍ចុងក្រោយមួយបានឲ្យដឹងថា ក្លឹប Atletico Madrid កំពុងពិចារណាលើការផ្ទេរខ្សែការពារ Aaron Wan-Bissaka របស់ក្លឹបបិសាចក្រហម Manchester United នេះបើយោងតាមការចុះផ្សាយរបស់ Todofichajes។

យ៉ាងណាមិញ Atletico Madrid កំពុងស្វែងរកខ្សែការពារស្ដាំដែលជាអ្នកជំនួស Sime Vrsaljko ព្រោះខ្សែការពាររូបនេះ ត្រៀមនឹងចាកចេញពីក្លឹបនៅពេលកុងត្រារបស់គាត់ផុតកំណត់នៅរដូវក្តៅនេះ។

យ៉ាងណាមិញ Wan-Bissaka ត្រូវបានគេផ្ដល់ដំណឹងថា គាត់នឹងមិនស្ថិតនៅក្នុងផែនការរបស់គ្រូបង្វឹកថ្មីរបស់ក្លឹបបិសាចក្រហម លោក Erik ten Hag ទេ។ ក្លឹបនឹងព្យាយាមឲ្យ Wan-Bissaka ខ្ចីជើងទៅក្លឹបផ្សេង រឺអាចមានជម្រើសក្នុងការទិញផ្ដាច់កុងត្រា។

គួររំលឹកផងដែរថា ខ្សែការពារសញ្ជាតិអង់គ្លេស Aaron Wan-Bissaka ត្រូវបានក្លឹបបិសាចក្រហមចុះហត្ថលេខាមកពីក្លឹប Crystal Palace កាលពីឆ្នាំ 2019។ ប៉ុន្តែមួយរយៈចុងក្រោយនេះ ក្នុងស្ថានភាពដែលក្លឹបកំពុងមានបញ្ហាទម្រង់លេងធ្លាក់ចុះនោះ Wan-Bissaka មិនស្ថិតក្នុងជម្រើសនៃគ្រូបង្វឹកឡើយ ដោយភាគច្រើនលោក Ralf Rangnick តែងតែប្រើប្រាស់ Diogo Dalot ជំនួសវិញ។