បាល់ទាត់អន្តរជាតិ
Xavi រិះគន់ប្រព័ន្ធផ្សព្វផ្សាយ ដែលជះឥទ្ធិពលមិនល្អដល់កូនក្រុមរបស់ខ្លួន
គ្រូបង្វឹករបស់ក្លឹបអ្នកមានបុណ្យ Barcelona លោក Xavi Hernandez បានលើកឡើងពីភាពអវិជ្ជមានដែលកើតឡើងពីការរិះគន់របស់ប្រព័ន្ធផ្សព្វផ្សាយ ទៅលើកីឡាកររបស់ខ្លួន ហើយវាធ្វើឲ្យជះឥទ្ធិពលដល់ក្រុម។ នៅមុនការប្រកួតក្របខណ្ឌ La Liga ជាមួយ Alaves កាលពីម្សិលមិញនេះ Barcelona បានចាញ់ពីរប្រកួតជាប់ៗគ្នា ដោយរងបរាជ័យក្រោមថ្វីជើង Real Madrid នៅក្នុងការប្រកួត El Clasico និង Shakhtar Donetsk ក្នុងការប្រកួត UEFA Champions League។
បន្តមកទៀត Barcelona ស្ទើរតែបានចាញ់ជាលើកទី 3 ទៅហើយ បន្ទាប់ពីពួកគេបានធ្វើឲ្យមានការរបួតគ្រាប់បាល់ត្រឹមនាទីទី 1 នៃការប្រកួតទល់នឹង Alaves ដែលជាការស៊ុតបញ្ចូលទីដ៏លឿនរបស់ Samu Omorodion។ ទោះជាយ៉ាងណា ការស៊ុតបញ្ចូលទី 2 គ្រាប់របស់ Robert Lewandowski បានធ្វើឲ្យពួកគេវាយបកយកឈ្នះវិញ ក្នុងលទ្ធផល 2 ទល់នឹង 1។
ជាមួយនឹងទម្រង់លេងមិនសូវល្អនៅមួយរយៈចុងក្រោយនេះ Xavi Hernandez បានផ្ដោតសំខាន់ទៅលើអារម្មណ៍របស់កីឡាករ ជាកូនក្រុមរបស់ខ្លួនដែលរងផលប៉ះពាល់ពីការរិះគន់នានានៅលើប្រព័ន្ធផ្សព្វផ្សាយ។ គ្រូបង្វឹកវ័យ 43 រូបនេះបាននិយាយថា៖ “ភាពអវិជ្ជមាននៅជុំវិញក្រុម និងការរិះគន់កំពុងប៉ះពាល់ដល់កីឡាកររបស់ខ្ញុំ។ សំខាន់ជាងគេគឺ យុវជន។ កីឡាករជើងចាស់ដូចជា Lewandowski និង Inigo Martinez ពិតជាមិនរងផលប៉ះពាល់ពីវាទេ។ ខ្ញុំមិនដែលមើលទៅលើផ្នែកអវិជ្ជមាននៃរឿងនោះទេ។ ខ្ញុំគ្រាន់តែព្យាយាមស្វែងរកដំណោះស្រាយចំពោះបញ្ហារបស់យើង។ ដំណោះស្រាយដើម្បីឲ្យកីឡាកររបស់យើងអាចរីករាយនឹងខ្លួនឯងនៅលើទីលាន។ ខ្ញុំអាចប្រាប់បានថា ពួកគេពេលនេះ មិនរីករាយឡើយ”។
ប្រភព: Sportsmole
Man City ចង់បានខ្សែប្រយុទ្ធសំខាន់ម្នាក់របស់ Barcelona
Szczesny អាចនឹងត្រូវបានប្រើប្រាស់ជាជម្រើសដំបូង ក្នុងការប្រកួតទល់នឹង Benfica រំលងអាធ្រាតនេះ!!!
Keylor Navas ត្រៀមចុះហត្ថលេខាចូលរួមជាមួយអតីតក្លឹបកាលពីកុមារភាពរបស់ Messi
សហព័ន្ធប្រកាសពីការចាកចេញរបស់លោក Keisuke Honda ក្នុងតួនាទីជាគ្រូបង្វឹកក្រុមជម្រើសជាតិឈុតធំ
អាជ្ញាកណ្តាលកាត់សេចក្ដីរវាង PSG និង Dortmund បានយំ ក្រោយចប់ការប្រកួត! នេះជាមូលហេតុ ដ៏រំជួលចិត្ត
