បាល់ទាត់អន្តរជាតិ
ផ្លូវការណ៍: Manchester City ប្រកាសពីការចុះហត្ថលេខាលើ Erling Haaland
នៅទីបំផុត ក្លឹបមេឃខៀវ Manchester City បានប្រកាសពីការចុះហត្ថលេខាលើខ្សែប្រយុទ្ធ Erling Haaland ហើយនៅពេលនេះ បន្ទាប់ពីមានពាក្យចចាមអារ៉ាមតាំងពីរដូវកាលមុនមកម្ល៉េះ។
នៅលើគេហទំព័រផ្លូវការណ៍របស់ខ្លួន ក្លឹប Manchester City បានបញ្ជាក់ពីកិច្ចព្រមព្រៀង ជាមួយនឹង Erling Haaland ដែលផ្ទេរពី Borussia Dortmund។ ការផ្ទេរនេះដែរ ត្រូវបានគេឲ្យដឹងថា មានតម្លៃប្រហែល 55 លានផោន។
កីឡាករវ័យ 21 ឆ្នាំ Haaland គឺជាខ្សែប្រយុទ្ធមុតស្រួច ដែលមានទម្រង់លេងដ៏ល្អបំផុត ដែលក្លឹបធំៗជាច្រើនចង់បាន។ ដំបូងឡើយ ខ្សែប្រយុទ្ធរូបនេះ ត្រូវបានគេគិតថា អាចមានតម្លៃប្រហែល 63 លានផោន ប៉ុន្តែក្លឹប Man City អាចចរចាទិញពី Dortmund ក្នុងតម្លៃនេះ គឺទាបជាងការរំពឹងទុក។
ក្លឹបយក្សនៅអេស្ប៉ាញដែលមាន Barcelona និង Real Madrid ក៏ជាក្លឹបដែលធ្លាប់បានដាក់សំណើរចង់បាន Haaland ផងដែរ ប៉ុន្តែការចរចាផ្នែកកញ្ចប់ហិរញ្ញវត្ថុមិនអាចទៅរួច។
គួររំលឹកផងដែរថា Erling Haaland មានឪពុកឈ្មោះ Alf-Inge Haland គឺជាអតីតខ្សែការពារស្លាបស្ដាំ របស់ក្លឹប Manchester City។ កាលពីកុមារភាព Haaland គឺជាអ្នកគាំទ្រក្លឹប Manchester City ផងដែរ។ ខ្សែប្រយុទ្ធរូបនេះ ត្រូវបាន Borussia Dortmund ចុះហត្ថលេខាយកមកពីក្លឹប RB Salzburg កាលពីដើមឆ្នាំ 2020 បន្ទាប់ពីមើលឃើញពីទម្រង់លេងលេចធ្លោរខ្លាំងនៅ UEFA Champions League។
ប្រភព: 90 Min
Marcelo ប្រកាសចូលនិវត្តន៍ពីបាល់ទាត់ ក្នុងវ័យ ៣៦ឆ្នាំ
Mathys Tel បដិសេធ Man Utd និង Arsenal ទៅចូលរួមជាមួយ Spur
មានរបស់ល្អមិនចេះប្រើ Chelsea យល់ព្រមឱ្យ AC Milan ខ្ចីជើង Joao Felix!
សហព័ន្ធប្រកាសពីការចាកចេញរបស់លោក Keisuke Honda ក្នុងតួនាទីជាគ្រូបង្វឹកក្រុមជម្រើសជាតិឈុតធំ
អាជ្ញាកណ្តាលកាត់សេចក្ដីរវាង PSG និង Dortmund បានយំ ក្រោយចប់ការប្រកួត! នេះជាមូលហេតុ ដ៏រំជួលចិត្ត
