បាល់ទាត់អន្តរជាតិ
Ronald Araujo ត្រូវបានអនុញ្ញាតឲ្យចេញពីមន្ទីរពេទ្យវិញហើយ បន្ទាប់ពីរងរបួសក្បាល
ខ្សែការពារកណ្ដាល Ronald Araujo របស់ក្លឹបអ្នកមានបុណ្យ Barcelona ត្រូវបានអនុញ្ញាតឲ្យចេញពីមន្ទីរពេទ្យ បន្ទាប់ពីទទួលរងនូវការប៉ះទង្គិចក្បាល អំឡុងពេលប្រកួតជាមួយ Celta Vigo កាលពីយប់ថ្ងៃអង្គារ ក្នុងក្របខ័ណ្ឌ La Liga។
នៅក្នុងប្រកួតនោះ Barcelona បានយកឈ្នះក្នុងលទ្ធផល 3-1 ដែលវាជាគ្រាប់បាល់របស់ខ្សែប្រយុទ្ធ Pierre-Emerick Aubameyang ពីរគ្រាប់ និង Memphis Depay មួយគ្រាប់។ ប៉ុន្តែការប្រកួតនេះ កីឡាករម្នាក់របស់ក្លឹប Barcelona បានរងរបួសក្បាលដ៏ធ្ងន់ធ្ងរ។
Araujo និងមិត្តរួមក្រុមរបស់ខ្លួន គឺខ្សែបម្រើ Gavi បានប៉ះទង្គិចគ្នានៅដើមតង់ទី 2 ពេលដែលប្រជែងតែតបាល់នៅលើលំហរអាកាស។ ភ្លាមៗនោះ Araujo នៅអាចលេងបាន ប៉ុន្តែក្រោយមកគាត់បានដេកដួលលើទីលាន និងត្រូវបានគេដឹកចេញភ្លាមៗ តាមរថយន្តសង្គ្រោះបន្ទាប់។ គាត់ត្រូវបានគេបញ្ជូនទៅកាន់មន្ទីរពេទ្យ ក្រោយពេលមានឧបទ្ទវហេតុនោះ។
បន្ទាប់ពីស្នាក់នៅក្នុងមន្ទីរពេទ្យពេញមួយយប់ ក្លឹប Barcelona បានប្រកាសបញ្ជាក់កាលពីរសៀលថ្ងៃពុធនេះថា Araujo ត្រូវបានធូរស្រាលហើយ និងអាចចាកចេញពីមន្ទីរពេទ្យបាន។ ក្លឹបនឹងធ្វើតេស្ដបន្ថែមទៀត ដើម្បីកំណត់ថា តើគាត់អាចត្រឡប់ចូលហ្វឹកហាត់វិញបាននៅពេលណា។
ប្រភព: 90 Min
ទម្រង់របស់ Real Madrid មិនទាន់នឹងនរនៅឡើយទេ បន្ទាប់Tony Kroos
ក្រុម Crystal Palace ឈ្នះពាន FA Cup ជាលើកដំបូងក្នុងប្រវត្តិសាស្ត្រ បន្ទាប់ពីរង់ចាំអស់ពេលជាង ១២០ឆ្នាំ
ទីបំផុត Bologna ទទួលបានពានរង្វាន់ធំជាលើកដំបូង ក្រោយពីរង់ចាំអស់ ៥១ឆ្នាំ
សហព័ន្ធប្រកាសពីការចាកចេញរបស់លោក Keisuke Honda ក្នុងតួនាទីជាគ្រូបង្វឹកក្រុមជម្រើសជាតិឈុតធំ
អាជ្ញាកណ្តាលកាត់សេចក្ដីរវាង PSG និង Dortmund បានយំ ក្រោយចប់ការប្រកួត! នេះជាមូលហេតុ ដ៏រំជួលចិត្ត
