James Rodriguez ចង់​ឲ្យ Liverpool យក​ឈ្នះ Real Madrid នៅ​វគ្គ​ផ្ដាច់ព្រ័ត UCL

កាល​ពី​ពេល​ថ្មីៗ​នេះ មាន​រឿង​ដ៏​គួរ​ឲ្យ​ចាប់​អារម្មណ៍​មួយ​ ដោយ​​ខ្សែ​ប្រយុទ្ធ James Rodriguez បាន​និយាយ​ថា គាត់​ចង់​ឲ្យ​ក្លឹប​ហង្សក្រហម Liverpool យកឈ្នះ Real Madrid នៅ​វគ្គផ្តាច់ព្រ័ត្រ UEFA Champions League។

ប្រសិន​បើ James Rodriguez គឺ​ជា​កីឡាករ​ធម្មតា ប្រហែល​ជា​សម្ដី​របស់​គាត់ មិន​ត្រូវ​បាន​គេ​កត់​សម្គាល់​នោះ​ឡើយ។ ប៉ុន្តែ Rodriguez ជា​អតីត​កីឡាករ​ដែល​ធ្លាប់​លេង​ឲ្យ​ក្លឹប​ស្ដេច​ស Real Madrid រយៈ​ពេល 4 រដូវកាល ហើយ​ខ្លួន​គេ​មិន​ធ្លាប់​ជា​កីឡាករ​របស់​ក្លឹប​ហង្សក្រហម Liverpool ឡើយ។ យ៉ាង​ណា​ប្រហែល​ជា​អាច​មាន​ហេតុ​ផល​ណា​មួយ​នៅ​ពី​ក្រោយ​នោះ។

ខ្សែ​ប្រយុទ្ធ James Rodriguez ធ្លាប់​លេង​នៅ Real Madrid ចន្លោះ​ឆ្នាំ 2014 និង 2020 ប៉ុន្តែ​គាត់​បាន​និយាយ​ថា គាត់​នឹង​គាំទ្រ Liverpool សម្រាប់​មិត្តរួម​ក្រុម​ជម្រើស​ជាតិ​របស់​គាត់​គឺ Luis Diaz។

James Rodriguez បាន​និយាយ​នៅ​ក្នុង​បទសម្ភាសន៍ Twitch មួយ​ជាមួយ Jaime Echenique ថា “Liverpool កំពុង​មាន​ទម្រង់​លេង​យ៉ាង​ល្អ ហើយ​ពួក​គេមាន Luis Diaz។ ខ្ញុំ​ចង់​ឲ្យ Luis Diaz ឈ្នះ​ពាន​រង្វាន់​មួយ​នេះ”។

គួរ​រំលឹក​ផង​ដែរ​ថា ការ​ប្រកួត​​វគ្គផ្តាច់ព្រ័ត្រ UEFA Champions League រវាង​ក្លឹប​ស្ដេចស Real Madrid និង​ហង្សក្រហម Liverpool ត្រូវ​ធ្វើ​ឡើយ​នៅ​ថ្ងៃ​ទី 29 ចុងខែ​នេះ នៅ​កីឡដ្ឋាន Stade de France ប្រទេស​បារាំង។

ប្រភព: Marca