Connect with us

បាល់ទាត់អន្តរជាតិ

Chelsea នឹង​ចុះ​ហត្ថលេខា​លើ Sergino Dest ប្រសិន​បើ Azpilicueta ចាកចេញ

Published

on

ក្លឹប​តោខៀវ Chelsea ចាប់​អារម្មណ៍​ក្នុង​ការ​ទិញ​យក​ខ្សែការពារ​សញ្ជាតិ​អាមេរិច​របស់​ក្លឹប Barcelona គឺ​កីឡាករ Sergino Dest នេះ​បើ​យោង​តាម Sport បាន​ចុះ​ផ្សាយ។

ខ្សែ​ការពារ​ស្តាំ​របស់ Barcelona រូប​នេះ មាន​វ័យ 21 ឆ្នាំ ត្រូវ​បាន​អវត្តមាន​ដោយ​សារ​របួស​សរសៃ​ពួរ​តាំង​ពី​ខែមីនា មក​ម្ល៉េះ។ យ៉ាង​ណា​ក្ដី Sergino Dest ត្រូវ​បាន​អ្នកចាត់​ការ​ទូទៅ​របស់​ក្លឹប​តោខៀវ Chelsea លោក Thomas Tuchel គិតថា គេ​អាច​នឹង​មាន​សមត្ថភាព​លេង​នៅ​តំបន់​ស្លាប​ស្ដាំ​បាន​ល្អ​សម្រាប់​ក្រុម​របស់​ខ្លួន។

ស្រប​ពេល​ជា​មួយ​គ្នា​នេះ​ដែរ ក្លឹប​អ្នក​មាន​បុណ្យ Barcelona ក៏​កំពុង​​ចាប់​អារម្មណ៍​ខ្លាំង ក្នុង​ការ​ចុះហត្ថលេខា​លើ​ខ្សែការពារ​សញ្ជាតិ​អេស្ប៉ាញ Cesar Azpilicueta ជាមួយ​នឹង​ការ​ផ្ទេរ​ដោយ​គ្មាន​តម្លៃ​ខ្លួន​ផង​ដែរ។ វា​ជា​ហេតុផល​មួយ​ដែល​ក្លឹបតោខៀវ​នឹង​នាំ​យក Sergino Dest នៅ​រដូវក្ដៅ​នេះ ប្រសិន​បើ Cesar Azpilicueta សម្រេច​ចិត្ត​ចាកចេញ​ពី​ទឹកដី​អង់គ្លេស ដែល​ខ្លួន​រាប់​រួម​រស់​អស់​រយៈពេល 9 ឆ្នាំ​មក​ហើយ​នោះ។

Cesar Azpilicueta នឹង​ក្លាយ​ជា​កីឡាករ​ដែល​គ្មាន​តម្លៃ​ខ្លួន​ក្នុង​ការ​ផ្ទេរ ប្រសិន​បើ​គាត់​មិន​បន្ត​កុងត្រា​ថ្មី​ជា​មួយ​ក្លឹប​តោខៀវ Chelsea ប៉ុន្តែ Sergino Dest ជា​កីឡាករ​ស្ថិត​ក្នុង​កុងត្រា​របស់ Barcelona រហូត​ដល់​ឆ្នាំ 2025។

ប្រភព: ESPN

Trending

© រក្សា​សិទ្ធិ​គ្រប់​យ៉ាង​ដោយ​ X-SPORT ឆ្នាំ​ ២០២២