បាល់ទាត់អន្តរជាតិ
Antonio Conte ប្រាប់ថា Arteta គួរតែរៀបចំក្រុមឲ្យបានល្អ ជាជាងការរអ៊ូរទាំដាក់អាជ្ញាកណ្ដាល
គ្រូបង្វឹករបស់ក្រុមមាន់ខ្នាយមាស Tottenham លោក Antonio Conte បានរិះគន់លោក Mikel Arteta ដែលជាគ្រូបង្វឹកក្រុមកាំភ្លើងធំ Arsenal ចំពោះការរអ៊ូរទាំរបស់គាត់ បន្ទាប់ពីក្រុមកាំភ្លើងធំនៅសល់គ្នាតែ 10 នាក់ ដោយសារកាតក្រហម កាលពីប្រកួតយប់មិញ។
ពីរគ្រាប់របស់ Harry Kane និងមួយគ្រាប់របស់ Son Heung-min សមល្មមនឹងការទទួលបានបីពិន្ទុពីក្លឹបកាំភ្លើងធំ ខណៈដែលខ្សែការពារ Rob Holding ទទួលបានកាតក្រហមក្នុងតង់ទីមួយ។
ដោយឡែក Arteta បាននិយាយម្តងហើយម្តងទៀត បន្ទាប់ពីការប្រកួតថា គាត់នឹងត្រូវគេដាក់ពិន័យ ប្រសិនបើគាត់បញ្ចេញមតិយោបល់ធ្ងន់ធ្ងរលើករណីកាតក្រហមរបស់ Holding និងការប្រកួតទាំងមូល។ ប៉ុន្តែលោក Antonio Conte បានសើចចំអកនូវអ្វីដែលគ្រូបង្វឹកសញ្ជាតិអេស្ប៉ាញរូបនេះបាននិយាយ។
Antonio Conte បាននិយាយថា “ខ្ញុំគិតថា Mikel Arteta គឺជាគ្រូបង្វឹកដ៏ល្អម្នាក់ គាត់ធ្វើបានល្អណាស់ គាត់ទើបតែចាប់ផ្តើមការងារនេះ។ ខ្ញុំគិតថា ខ្ញុំស្តាប់គាត់រអ៊ូរទាំច្រើនពេកហើយ”។
Conte បានបន្ថែមទៀតថា “ខ្ញុំគិតថាគាត់ត្រូវតែផ្តោតអារម្មណ៍លើក្រុមរបស់ខ្លួនឲ្យបានច្រើន ហើយកុំរអ៊ូរទាំពេក។ គាត់ទើបតែចាប់ផ្តើមការងារជាគ្រូបង្វឹក ហើយខ្ញុំគិតថា គាត់ត្រូវតែស្ងប់ស្ងាត់ហើយព្យាយាមបន្តការងាររបស់គាត់ ព្រោះគាត់ល្អណាស់”។
ប្រភព: 90 Min
Real Madrid ចង់បានកីឡាករឆ្នើមមួយរូបរបស់ Arsenal
Carlo Ancelotti កំពុងពិចារណាចង់ទៅកើបលុយនៅលីគអារ៉ាប៊ីសាអូឌីត
ប្រកួតបើកឆាក Nations League បារាំងចាញ់ក្នុងដីខ្លួនឯង 3-1 ក្រោមស្នាដៃអ៊ីតាលី
សហព័ន្ធប្រកាសពីការចាកចេញរបស់លោក Keisuke Honda ក្នុងតួនាទីជាគ្រូបង្វឹកក្រុមជម្រើសជាតិឈុតធំ
អាជ្ញាកណ្តាលកាត់សេចក្ដីរវាង PSG និង Dortmund បានយំ ក្រោយចប់ការប្រកួត! នេះជាមូលហេតុ ដ៏រំជួលចិត្ត
