Connect with us

បាល់ទាត់អន្តរជាតិ

Arsenal ចាប់​អារម្មណ៍​ចង់​បាន​ខ្សែ​ប្រយុទ្ធ​ស្លាប​មក​ពី​ប្រេស៊ីល Marquinhos

Published

on

ខ្សែប្រយុទ្ធ​ស្លាប​សញ្ជាតិ​ប្រេស៊ីល Marquinhos ត្រូវ​បាន​គេ​រំពឹង​ទុក​ថា នឹង​ក្លាយ​ជា​កីឡាករ​ដំបូង​របស់​លោក Mikel Arteta ក្នុង​ទីផ្សារដោះ​ដូរ​កីឡាករ​នា​រដូវ​ក្តៅ​នេះ។

យ៉ាង​ណា​របាយការណ៍​ច្បាស់​ការណ៍​មួយ​បាន​អះអាង​ថា ក្លឹប​កាំភ្លើងធំ Arsenal បាន​យល់​ព្រម​លើ​កិច្ចព្រមព្រៀង​មួយ ដើម្បី​ចុះ​ហត្ថលេខា​លើ​ខ្សែ​ប្រយុទ្ធ​ស្លាប​សញ្ជាតិ​ប្រេស៊ីល Marquinhos របស់​ក្លឹប Sao Paulo ហើយ​នៅ​ពេល​នេះ។

ក្រុមកាំភ្លើងធំ​បាន​ធ្វើ​ការ​ពិភាក្សា​ដោយ​បើក​ចំហរ​ជា​មួយ​ក្លឹប Sao Paulo ជុំ​វិញ​ការ​នាំ​យក​កីឡាករ​វ័យ 19 ឆ្នាំ​រូប​នេះ កាល​ពី​សប្តាហ៍​មុន ហើយ​ឥឡូវ​នេះ​កិច្ចព្រមព្រៀង​មួយ​ត្រូវ​បាន​សម្រេច​ដោយ​ជោគជ័យ។

យោងតាម​គេហទំព័រ GOAL បាន​ឲ្យ​ដឹង​ថា តម្លៃ​ផ្ទេរ​សម្រាប់ Marquinhos ប្រហែល​ជា 3 លានផោន (3.7 លានដុល្លារ) តែ​ប៉ុណ្ណោះ។

លើស​ពី​នេះ​ទៅ​ទៀត Arsenal បាន​ទាញយក​អត្ថប្រយោជន៍​ក្នុង​ការ​ចុះ​ហត្ថលេខា​លើ​កីឡាករ​រូប​នេះ​ផង​ដែរ ដោយ​មាន​តម្លៃ​ទាប​បំផុត ព្រោះ​ក្លឹប Sao Paulo មិន​អាច​ស្ទាក់​ស្ទើរ​ឡើយ​ក្នុង​ការ​លក់​គាត់​ចេញ ព្រោះតែ​ពួក​គេ​មាន​ការភ័យខ្លាច​ថា គាត់​អាច​ចាកចេញ​ដោយ​គ្មាន​តម្លៃ​ខ្លួន​ទោះបី​ជា​នៅ​កុងត្រា​ដល់​ឆ្នាំ 2024 ក៏ដោយ។

ប្រភព: Goal

Trending

© រក្សា​សិទ្ធិ​គ្រប់​យ៉ាង​ដោយ​ X-SPORT ឆ្នាំ​ ២០២២