Tevez និយាយ​ថា Messi ប្រើប្រាស់​សមត្ថភាព​លេង​ត្រឹម​តែ​​ពាក់​កណ្ដាល​ប៉ុណ្ណោះ​នៅ PSG

ម្ចាស់ពាន Ballon d’Or 7 សម័យ Lionel Messi ត្រូវ​បាន​មជ្ឈដ្ឋាន​បាល់​ទាត់​សង្កេត​ឃើញ​ថា គាត់​កំពុង​ទទួល​រង​ភាពលំបាក បន្ទាប់​ពី​ផ្លាស់​ទៅ​លេង​នៅ​ប្រទេសបារាំង ជា​មួយ​នឹង​ទម្រង់​លេង​ធ្លាក់​ចុះ ក៏​ដូច​ជា​ការ​ស៊ុត​បញ្ចូល​ទី។ ប៉ុន្តែ Messi នៅ​តែអាច​លេង​បាន​យ៉ាង​ល្អ​អស្ចារ្យ​សម្រាប់​ក្រុម​ជម្រើស​ជាតិ​អាហ្សង់ទីន ដែល​ជា​ប្រទេស​របស់​គាត់។

យ៉ាង​ណា​មិញ កាល​ពី​ពេល​ថ្មីៗ​នេះ អតីត​មិត្ត​រួម​ក្រុមរបស់ Messi គឺ​កីឡាករ Carlos Tevez បាន​និយាយ​ថា Lionel Messi សម្រាប់ PSG ខុស​គ្នា​ទាំង​ស្រុង​ជា​មួយ​នឹង Lionel Messi សម្រាប់​ប្រទេស​អាហ្សង់ទីន។ Carlos Tevez បាន​បន្ថែម​ទៀត​ថា ជាមួយ​នឹង​ភាព​អស្ចារ្យ​គ្រប់​យ៉ាង​របស់ Messi នោះ យើង​អាច​ចាត់ទុក​ថា គាត់​ប្រើ​សមត្ថភាព​លេង​ត្រឹម​តែ​ពាក់កណ្តាល​ប៉ុណ្ណោះ ​នៅ​ក្នុង​ប្រទេស​បារាំង។ Messi គឺ​ខុស​គ្នា​ទាំង​ស្រុង​ពី​ពេល​ដែល​គាត់​នៅ​ជា​មួយ Barcelona។

យ៉ាង​ណា​មិញ Lionel Messi កំពុង​ខិត​ជិត​ដល់​ចុង​បញ្ចប់​នៃ​រដូវកាល​ដំបូង​របស់​ខ្លួន​នៅ Parc des Princes រដូវកាល​នេះ​ហើយ។ គាត់​មាន​គ្រាប់​បាល់​ត្រឹម​តែ 6 គ្រាប់​ប៉ុណ្ណោះ តាមរយៈ​ការ​បង្ហាញ​ខ្លួន​ចំនួន 33 ប្រកួត​នៅ Ligue 1។

ប្រភព: Goal