Connect with us

បាល់ទាត់អន្តរជាតិ

David Alaba វិល​ចូល​ទីលាន​ហ្វឹកហាត់​វិញ ហើយ​ប្រហែល​ជា​អាច​ចូល​លេង UCL វគ្គ​ផ្ដាច់​ព្រ័ត​បាន

Published

on

កាល​ពី​ម្សិល​មិញ​នេះ ខ្សែការពារ David Alaba បាន​ត្រឡប់​មក​ហ្វឹកហាត់​ជាមួយ​ក្រុម​វិញ បន្ទាប់​ពីខក​ខាន​ការ​ប្រកួត​​ជា​មួយ Real Madrid ដោយ​សារ​បញ្ហា​របួស។ យ៉ាង​ណា Alaba ​ត្រូវ​បាន​គេ​រំពឹង​ថា​នឹង​អាច​​ចូល​លេង​វិញ​បាន​សម្រាប់​វគ្គ​ផ្ដាច់ព្រ័ត្រ Champions League នៅ​ចុង​ខែ​នេះ​ផង​ដែរ។

យ៉ាង​ណា​មិញ ខ្សែការពាររូបនេះ​បាន​នឹង​កំពុង​មាន​បញ្ហា​របួស​ក្រលៀន ធ្វើ​ឲ្យ​គាត់​ខកខាន​ការ​ប្រកួត​លីក​ចំនួន 4 ប្រកួត​ចុងក្រោយ និង​ខកខាន​ការ​ប្រកួត Champions League វគ្គ​ពាក់កណ្តាល​ផ្តាច់ព្រ័ត្រ​ជើង​ទី​ពីរ​ជាមួយ​នឹង​ក្លឹប​មេឃខៀវ Manchester City។

របួស​របស់ Alaba បាន​ធ្វើ​ឲ្យ​អ្នកគាំទ្រ​គិត​ថា គាត់​នឹង​អវត្តមាន​រហូត​ដល់​ចប់​រដូវកាល​នេះ ប៉ុន្តែ​របាយការណ៍​ពី Marca បាន​បញ្ជាក់ថា Alaba ត្រឡប់​មក​ហ្វឹកហាត់​ជា​មួយ​មិត្ត​រួម​ក្រុម​របស់​ខ្លួន​វិញ​ហើយ និង​អាច​ត្រូវ​បាន​គ្រូ​បង្វឹក​សាកល្បង​ដាក់​ឲ្យ​ចូល​លេង សម្រាប់​ការ​ប្រកួត​លីគ​ជាមួយក្រុម Real Betis នៅ​ថ្ងៃ​សុក្រ​ននេះ​ផង​ដែរ។

បុគ្គលិកផ្នែក​វិជ្ជសាស្ត្រ​បាន​ឲ្យ​ដឹង​ថា David Alaba អាច​ចូល​លេង​វិញ​បាន ហើយ​ប្រសិន​បើ​គាត់​អាច​ឆ្លង​កាត់​ការ​ប្រកួត​ជាមួយ Real Betis ដោយ​គ្មាន​បញ្ហា​អ្វី​ទៀត​នោះ គាត់​នឹង​មាន​លក្ខណៈ​សម្បត្តិ​គ្រប់គ្រាន់​ក្នុង​ការ​បង្ហាញ​ខ្លួន​ក្នុង​វគ្គផ្តាច់ព្រ័ត្រ Champions League នៅថ្ងៃទី 28 ខែឧសភា​នេះ។

ប្រភព: 90 Min

Trending

© រក្សា​សិទ្ធិ​គ្រប់​យ៉ាង​ដោយ​ X-SPORT ឆ្នាំ​ ២០២២