បាល់ទាត់អន្តរជាតិ
Juventus ចរចាទិញខ្សែការពារ Gabriel របស់ក្លឹបកាំភ្លើងធំ Arsenal
យោងតាមរបាយការណ៍នៅក្នុងប្រទេសអ៊ីតាលីបានឲ្យដឹងថា នាយកផ្នែកកីឡារបស់ក្លឹប Juventus លោក Federico Cherubini បានធ្វើដំណើរទៅកាន់ទីក្រុងឡុងដ៍ ដើម្បីពិភាក្សាជាមួយក្រុមកាំភ្លើងធំ Arsenal លើកិច្ចព្រមព្រៀងទិញយកខ្សែការពារ Gabriel Magalhaes។
Juventus កំពុងស្វែងរកខ្សែការពារម្នាក់ដែលមានគុណភាព សម្រាប់ជំនួសកន្លែងរបស់ Giorgio Chiellini ដែលនឹងចាកចេញពីក្លឹបនៅរដូវក្តៅនេះ។
យោងតាមសារព័ត៌មាន Corriere dello Sport និង Tuttosport បានឲ្យដឹងថា ក្លឹបសេះបង្កង់ Juventus បានកំណត់គោលដៅមុនដំបូងគេគឺ Gabriel ដែលខ្សែការពាររូបនេះ ជាអ្នកស្នងតំណែងរបស់ Chiellini បាន ហើយពួកគេក៏មានបំណងឲ្យកិច្ចព្រមព្រៀងត្រូវបានធ្វើឡើងយ៉ាងឆាប់រហ័តជាមួយ Arsenal ផងដែរ។
ទោះបីជាយ៉ាងណាក៏ដោយ មានប្រភពមួយបានអះអាងថា ក្រុមកាំភ្លើងធំ Arsenal កំពុងទាមទារយ៉ាងហោចណាស់ 50 លានអឺរ៉ូ សម្រាប់ការផ្ទេរកីឡាករវ័យ 24 ឆ្នាំរបស់ពួកគេ ខណៈតម្លៃដែលក្រុមកាំភ្លើងធំ ចុះហត្ថលេខានាំយក Gabriel មកពី Lille កាលពីឆ្នាំ 2020 មានតម្លៃត្រឹមតែ 27 លានផោនប៉ុណ្ណោះ។
ប្រភព: Metro
រឿងពិតទាំង 8 កីឡាករល្បីទាំង 2 របស់បាសេឡូណា
សង្ខេបព្រឹត្តិការណ៍សំខាន់ៗនៃការប្រកួត Madrid Derby
Sergio Ramos ចូលរួមក្លឹបថ្មីនៅមិកស៊ីកូ ពាក់លេខ 93 ដោយសារមូលហេតុនេះ
សហព័ន្ធប្រកាសពីការចាកចេញរបស់លោក Keisuke Honda ក្នុងតួនាទីជាគ្រូបង្វឹកក្រុមជម្រើសជាតិឈុតធំ
អាជ្ញាកណ្តាលកាត់សេចក្ដីរវាង PSG និង Dortmund បានយំ ក្រោយចប់ការប្រកួត! នេះជាមូលហេតុ ដ៏រំជួលចិត្ត
