បាល់ទាត់អន្តរជាតិ
Patrick Vieira ទាត់អ្នកគាំទ្រម្នាក់របស់ក្លឹប Everton ឲ្យដួលទៅលើដី
អ្នកចាត់ការទូទៅរបស់ក្រុម Crystal Palace លោក Patrick Vieira បានទាត់អ្នកគាំទ្រម្នាក់របស់ក្លឹប Everton ឲ្យដួលទៅលើដី នៅក្នុងអំឡុងពេលមានការរត់ប្រសេកប្រសាចនៅលើទីលាន ក្នុងកីឡដ្ឋាន Goodison Park កាលពីល្ងាចថ្ងៃព្រហស្បតិ៍សប្ដាហ៍នេះ។
អ្នកគាំទ្ររបស់ក្លឹប Everton បានសម្រុកចូលទីលានប្រកួត បន្ទាប់ពីសំឡេងកញ្ចែផ្លុំបញ្ចប់ការប្រកួត។ គ្រាប់បាល់ចុងម៉ោងរបស់ Dominic Calvert-Lewin បានធ្វើឲ្យ Everton ទទួលជ័យជម្នះ 3-2 លើក្រុម Crystal Palace ហើយជ័យជំនះនេះ គឺជាការទទួលបានពិន្ទុគ្រប់គ្រាន់សម្រាប់ពួកគេ ក្នុងការមានឱកាសលេងនៅ Premier League រដូវកាលក្រោយបន្តទៀត។
ដោយមានអ្នកគាំទ្រ Everton រាប់ពាន់នាក់បានហក់ចូលលើទីលាន ដើម្បីអបអរក្រុមរបស់គេនោះ Vieira បានបាត់បង់ភាពអត់ធ្មត់របស់គាត់ ជាមួយនឹងអ្នកគាំទ្រម្នាក់ដែលបានបង្ហាញកាយវិការម្តងហើយម្តងទៀត ដែលវាជាការមិនសមរម្យនៅចំពោះមុខរបស់គាត់។
ដំបូងឡើយ Vieira មិនអើពើនឹងអ្នកគាំទ្រម្នាក់នោះទេ ប៉ុន្តែបន្ទាប់មក គាត់បានចាប់បុរសម្នាក់នោះ ហើយទាត់ជើងរបស់គេ ដែលធ្វើឲ្យបុរសនោះដួលទៅនឹងដីតែម្ដង។
ទស្សនាវីដេអូខាងក្រោម
ប្រភព: Metro
ទម្រង់របស់ Real Madrid មិនទាន់នឹងនរនៅឡើយទេ បន្ទាប់Tony Kroos
ក្រុម Crystal Palace ឈ្នះពាន FA Cup ជាលើកដំបូងក្នុងប្រវត្តិសាស្ត្រ បន្ទាប់ពីរង់ចាំអស់ពេលជាង ១២០ឆ្នាំ
ទីបំផុត Bologna ទទួលបានពានរង្វាន់ធំជាលើកដំបូង ក្រោយពីរង់ចាំអស់ ៥១ឆ្នាំ
សហព័ន្ធប្រកាសពីការចាកចេញរបស់លោក Keisuke Honda ក្នុងតួនាទីជាគ្រូបង្វឹកក្រុមជម្រើសជាតិឈុតធំ
អាជ្ញាកណ្តាលកាត់សេចក្ដីរវាង PSG និង Dortmund បានយំ ក្រោយចប់ការប្រកួត! នេះជាមូលហេតុ ដ៏រំជួលចិត្ត
