Son Heung-min ក្លាយ​ជា​កីឡាករ​អាស៊ី​ដំបូង​គេ​បង្អស់​ដែល​ឈ្នះ​ស្បែកជើង​មាស​នៅ Premier League

ស្បែក​ជើង​មាស​សម្រាប់​ក្របខណ្ឌ Premier League នៅ​រដូវកាល​នេះ ត្រូវ​បាន​បែង​ចែក​ជា​ពីរ ដែល​កីឡាករ​មាន​គ្រាប់​បាល់​ច្រើន​ស្មើ​គ្នា។ រដូវកាល​មុន អ្នក​ឈ្នះ​មាន​តែ​ម្នាក់​ប៉ុណ្ណោះ គឺ Harry Kane ដែល​មាន​គ្រាប់​បាល់​លើស​គេ 23 គ្រាប់។

ដោយ​ឡែក Mohamed Salah របស់​ហង្សក្រហម Liverpool និង Son Heung-min របស់​មាន់ខ្នាយមាស Tottenham មាន​គ្រាប់​បាល់​ 23 គ្រាប់​ដូច​គ្នា ដូច្នេះ​អ្នក​ឈ្នះស្បែកជើងមាស Premier League សម្រាប់ឆ្នាំ 2021-22 នេះ គឺ​មាន​ពីរ​នាក់។

ដំបូង​ឡើយ Mohamed Salah មាន​គ្រាប់​បាល់​នាំ​មុខ​កីឡាករ​ណាៗ​ទាំង​អស់ និង​ច្រើន​ជាង Son Heung-min ផង​ដែរ ប៉ុន្តែ​រយៈពេល​ដ៏​ខ្លី Son បាន​តាម​ទាន់​គ្រាប់​បាល់ និង​បាន​ស្បែកជើង​មាស​ដែរ។ ប៉ុន្តែ​អ្វី​ដែល​ពិសេស​នោះ​គឺ​គ្រាប់​បាល់​ទាំង 23 គ្រាប់​របស់ Son Heung-min គ្មាន​គ្រាប់​ប៉េណាល់ទី​ឡើយ ខណៈ​ដែល 23 គ្រាប់​របស់ Mohamed Salah មាន​បាល់​ប៉េណាល់ទី 5 គ្រាប់​នៅ​ក្នុង​នោះ។

Son Heung-min គឺ​ជាកីឡាករ​អាស៊ី​ដំបូង​គេ ដែល​ឈ្នះ​ស្បែក​ជើងមាស​សម្រាប់​ក្របខណ្ឌ​កំពូល​របស់​អង់គ្លេស Premier League ដោយ​បញ្ចប់​រដូវកាល​ជាមួយ​នឹង​គ្រាប់​បាល់​ស៊ុត​បញ្ចូលទី​បាន 23 គ្រាប់។

ប្រភព: Goal