អតីត​ខ្សែការពារ Marcos Rojo របស់​បិសាចក្រហម ជក់បារី និង​ផឹកស្រា ដើម្បី​អបអរ​​ក្រុម​របស់​ខ្លួន​ដែល​បាន​​ឈ្នះពាន

អតីតខ្សែការពារ Marcos Rojo របស់​ក្រុម​បិសាចក្រហម Manchester United បាន​ជក់បារី និង​ផឹកស្រា បន្ទាប់​ពី​ចប់​ការ​ប្រកួត ​ក្នុង​ក្របខណ្ឌ Copa de la Liga Profesional វគ្គ​ផ្ដាច់​ព្រ័ត​កាល​ពី​ថ្ងៃអាទិត្យ​កន្លង​ទៅ បន្ទាប់​ពី​បាន​ជួយ​ក្រុម Boca Juniors ឲ្យ​លើកពាន ក្នុង​ការ​ទទួល​ជ័យជម្នះ 3-0 លើក្រុម Tigre។

គួរ​រំលឹក​ផង​ដែរ​ថា Marcos Rojo បាន​ផ្ទេរ​ពី​ក្លឹប​បិសាចក្រហម Manchester United មក​កាន់​ទឹក​ដី​កំណើត​របស់​ខ្លួន​វិញ ដោយ​ចូល​រួម​ជា​មួយ Boca Juniors កាល​ពី​ដើម​ឆ្នាំ 2021។

ខ្សែ​ការពារ​សញ្ជាតិ​អាហ្សង់ទីន​របស់​នេះ បច្ចុប្បន្ន​មាន​វ័យ 32 ឆ្នាំ ធ្លាប់​បាន​ចូល​រួម​ជា​មួយ​ក្រុម​ជម្រើស​ជាតិ​តាំង​ពី​ឆ្នាំ 2011 រហូត​ដល់​ឆ្នាំ 2019 និង​ធ្លាប់​បាន​បង្ហាញ​ខ្លួន​ចំនួន 61 ប្រកួត។ គាត់​ធ្លាប់​ស៊ុត​បញ្ចូល​ទៅ​ឲ្យ​ក្រុម​ជម្រើស​ជាតិ​អាហ្សង់ទីន​បាន 3 គ្រាប់ ក្នុង​នាម​ជា​ខ្សែការពារ​កណ្ដាល។

ប្រភព: Goal