Connect with us

បាល់ទាត់អន្តរជាតិ

Jurgen Klopp សន្យាថា នឹង​នាំ Liverpool មក​កាន់​វគ្គផ្តាច់ព្រ័ត្រ UCL ម្ដង​ទៀត នៅ​ឆ្នាំ​ក្រោយ!!!

Published

on

គ្រូ​បង្វឹក​លោក Jurgen Klopp បាន​ប្តេជ្ញា​ថា នឹង​នាំ Liverpool ត្រឡប់​មក​កាន់​វគ្គផ្តាច់ព្រ័ត្រ​នៃ​ក្របខ័ណ្ឌ UEFA Champions League ជា​ថ្មី​ម្ដង​ទៀត​នៅ​រដូវកាល​ក្រោយ បន្ទាប់​ពី​ក្រុម​របស់​គាត់​បាន​បរាជ័យ​ជាមួយ Real Madrid ក្នុង​ការ​ប្រកួត​នា​ទីក្រុង​ប៉ារីស​កាល​ពី​ម្សិល​មិញ​នេះ។

ក្រុម​ហង្សក្រហម Liverpool មាន​បំណង​សង​សឹក​ការ​បរាជ័យ​ចុង​ក្រោយ​របស់​ពួកគេ ក្នុង​ឆ្នាំ 2018 ប៉ុន្តែ​ពួក​គេ​ទទួល​បាន​ការ​ខកចិត្ត​ជា​ថ្មី​ម្ដង​ទៀត ខណៈ​ដែលក្លឹប Real Madrid នៅ​តែ​ជា​ស្ដេច​ពាន UCL និង​បាន​ឈ្នះពាន​នេះ​ជា​លើក​ទី 14 របស់​ខ្លួន។

កាល​ពី​ប្រកួត​​នោះ​ដែរ ក្លឹប​ហង្សក្រហម Liverpool បាន​បង្កើត​ឱកាស​ដ៏​ច្រើន ពី​ការ​រក​គ្រាប់​បាល់​របស់ Mohamed Salah, Sadio Mane និង Diogo Jota ប៉ុន្តែ​ត្រូវ​បាន​បដិសេធ​ម្តង​ហើយ​ម្តង​ទៀត​ដោយ​អ្នកចាទី​ឆ្នើម Thibaut Courtois។

មក​ទល់​នឹង​ពេល​នេះ Liverpool បាន​ចាញ់​ការ​ប្រកួត​វគ្គ​ផ្តាច់ព្រ័ត្រ UEFA Champions League ចំនួន 2 ដង ក្នុង​ចំណោម 3 ប្រកួត​របស់​ពួក​គេ ក្រោម​ការ​ដឹកនាំ​របស់​លោក Jurgen Klopp។ យ៉ាង​ណា​បុរស​សញ្ជាតិអាឡឺម៉ង់​រូប​នេះ បាន​ប្តេជ្ញាចិត្ត​ថា​ក្រុម​របស់​គាត់​នឹង​ឡើង​មក​លេង​វគ្គ​ផ្ដាច់ព្រ័ត​បែប​នេះ នៅ​រដូវ​កាល​ក្រោយ និង​រហូត​​ដល់​គាត់​ធ្លោយ​មាត់​ឲ្យ​កក់​សណ្ឋាគារ​ឲ្យ​ហើយ សម្រាប់​វគ្គ​ផ្ដាច់​ព្រ័ត​ឆ្នាំ​ក្រោយ​ទៀត​ផង។

ប្រភព: Metro

Trending

© រក្សា​សិទ្ធិ​គ្រប់​យ៉ាង​ដោយ​ X-SPORT ឆ្នាំ​ ២០២២