បាល់ទាត់អន្តរជាតិ

PSG ទិញផ្ដាច់កុងត្រារបស់ខ្សែការពារ Nuno Mendes ពី Sporting C.P

Published

2 years ago

June 1, 2022

Lee Lee

ខ្សែការពារសញ្ជាតិព័រទុយហ្គាល់បានចុះហត្ថលេខាលើកុងត្រារយៈពេល 4 ឆ្នាំជាមួយក្រុមម្ចាស់ជើងឯក Ligue 1 ក្នុងនាមជាកីឡាករផ្លូវការណ៍របស់ក្លឹបបន្ទាប់ពីចំណាយពេលពេញមួយរដូវកាលជាកីឡាករខ្ចីជើង។

Paris Saint-Germain ទិញផ្ដាច់កុងត្រារបស់ខ្សែការពារស្លាបឆ្វេង Nuno Mendes ចេញពី Sporting C.P ជាមួយនឹងតម្លៃផ្ទេរ 40 លានអឺរ៉ូ។

Nuno Mendes បានដើរតួនាទីយ៉ាងសំខាន់នៅ PSG ទោះគាត់ជាកីឡាករខ្ចីជើងក៏ដោយ។ Mendes បានបង្ហាញខ្លួន 27 ដងនៅ Ligue 1 រដូវកាលនេះ នឹងបានលើកពានលីគកំពូលផងដែរ។

គាត់ក៏បានបង្ហាញខ្លួនក្នុងការប្រកួត UEFA Champions League ទាំងប្រាំបីប្រកួតរបស់ក្រុម មុនពេលពួកគេត្រូវបាន Real Madrid ទម្លាក់ក្នុងវគ្គ 16 ក្រុមចុងក្រោយ។

ជាមួយនឹងវ័យទើបតែ 19 ឆ្នាំ Mendes បានបង្ហាញទម្រង់លេងយ៉ាងល្អ សម្រាប់ក្លឹប Paris Saint-Germain និងត្រូវបានគ្រូបង្វឹកកោះហៅចូលក្រុមជម្រើសជាតិទៀតផង។