Connect with us

បាល់ទាត់អន្តរជាតិ

Asensio នឹង​ពិភាក្សា​អំពី​កុងត្រា​ថ្មី​ជា​មួយ​ក្លឹប ក្រោយ​យុទ្ធនា​ការ UEFA Nations League

Published

on

ខ្សែ​ប្រយុទ្ធ​ស្លាប​របស់​ក្លឹប​ស្ដេចស Real Madrid គឺ​កីឡាករ Marco Asensio បាន​ប្រាប់​ថា គាត់​នឹង​ពិចារណា​អំពី​អនាគត​របស់​គាត់​ជាមួយ​ក្លឹប បន្ទាប់​ពី​គាត់​ត្រឡប់​ពី​ភារកិច្ច​លេង​ឲ្យ​ក្រុម​ជម្រើស​ជាតិ​នៅ Nations League។

កីឡាករ​វ័យ 26 ឆ្នាំ​រូប​នេះ នៅ​សល់​កុងត្រា​ត្រឹម​តែ​មួយឆ្នាំ​ទៀត​ប៉ុណ្ណោះ​ជា​មួយ Real Madrid។ គាត់​ជា​កីឡាករ​ដែល​ស៊ុតបញ្ចូលទី​ច្រើន​ជាង​គេ​ទី 3 របស់ Real Madrid កាល​ពី​រដូវកាល​មុន ប៉ុន្តែ​ជា​អកុសល​នៅ​រដូវកាល​នេះ គាត់​បាន​ចូល​លេង​ត្រឹមតែ 19 ប្រកួត​ប៉ុណ្ណោះ​ក្នុង​ចំណោម 38 ប្រកួត​នៅ La Liga និង​បង្ហាញ​ខ្លួន​ជា​ជម្រើស​ដំបូង ត្រឹមតែ​ពីរ​លើក​គត់ ក្នុង​ក្របខ័ណ្ឌ UEFA Champions League។

ថ្លែង​ទៅ​កាន់ Cadena SER កីឡាករ​សញ្ជាតិ​អេស្ប៉ាញ Marco Asensio បាន​ទទូច​ថា គាត់ចង់​បន្ត​នៅ Real Madrid ប៉ុន្តែ​គាត់​ចង់​ធានា​បាន​នូវ​ជម្រើស​ក្នុង​ការ​បង្ហាញ​ខ្លួន​ជា​មួយ​ក្លឹប។ គាត់​ចង់​ឲ្យ​ក្លឹប​ដាក់​គាត់​ឲ្យ​លេង​គ្រប់​ប្រកួត និង​មិន​មែន​គ្រាន់​តែ​ប៉ុន្មាន​ប្រកួត​មិន​សំខាន់ៗ​នោះ​ឡើយ។

ប្រភព: 90 Min

Trending

© រក្សា​សិទ្ធិ​គ្រប់​យ៉ាង​ដោយ​ X-SPORT ឆ្នាំ​ ២០២២