Kurt Zouma ត្រូវ​បាន​ហាម​ឃាត់​មិន​ឲ្យ​ចិញ្ចឹម​សត្វ​រយៈពេល 5 ឆ្នាំ

ខ្សែ​ការពារ Kurt Zouma របស់​ក្លឹប West Ham ត្រូវ​បាន​ទទួល​ទណ្ឌកម្ម​ដោយ​ហាមឃាត់​មិន​ឲ្យ​មាន​សត្វចិញ្ចឹម​រយៈពេល​ប្រាំ​ឆ្នាំ ដែល​ជា​ផ្នែកមួយ​នៃ​ការ​ដាក់​ទោស​គាត់ ចំពោះ​ការ​ទាត់​ឆ្មា​ចិញ្ចឹម​របស់​ខ្លួន ដោយ​សកម្មភាព​នោះ ត្រូវ​បាន​គេ​រក​ឃើញ​នៅ​លើ​វីដេអូ​មួយ​ដែល​ថត​ដោយ​ប្អូន​ប្រុស​របស់​គាត់ ហើយ​ត្រូវ​បាន​បែក​ធ្លាយ។

Kurt Zouma បាន​ទាត់​ឆ្មា​របស់​គាត់​ចេញ​ពី​បន្ទប់ និង​បាន​យក​ស្បែក​ជើង​​គប់​ទៅឆ្មា​នោះ ហើយវាយ​​ក្បាល​របស់​វា​ទៀត​ផង។ បុរស​សញ្ជាតិ​បារាំង​រូប​នេះ ថែម​ទាំង​បាន​និយាយគម្រាម​សម្លាប់​សត្វ​ឆ្មា​ផង​ដែរ។

ជាលទ្ធផល ពេល​នេះ Zouma ត្រូវ​បាន​រង​ការ​ហាមឃាត់​រយៈពេល 5 ឆ្នាំ ពី​ការ​កាន់​កាប់​សត្វ​ចិញ្ចឹម។ ចៅក្រម Susan Holdham បាន​ពណ៌នា​អំពី​សកម្មភាព​របស់​គាត់​ថា “គួរ​ឲ្យ​អាម៉ាស់ និង​គួរ​ឲ្យ​ស្អប់ខ្ពើម”។

ប្រភព: 90 Min