ផ្លូវការណ៍៖ ក្លឹប Real Madrid ​ប្រកាស​ពី​ការ​ចុះ​ហត្ថលេខា​លើ​ខ្សែការពារ Antonio Rudiger

នៅ​មុន​នេះបន្តិច ផេក​ផ្លូវការណ៍​របស់​ក្លឹប Real Madrid បាន​ប្រកាស​ពី​ការ​ដែល​ក្រុម​របស់​ខ្លួន​ចុះ​ហត្ថលេខា​លើ​ខ្សែការពារ​ចំណូល​ថ្មី Antonio Rudiger ដែល​ផ្ទេរ​ពី​ក្លឹប​តោខៀវ Chelsea។

ខ្សែការពារ​សញ្ជាតិ​អាឡឺម៉ង់ Antonio Rudiger បាន​ចាកចេញ​ពី​ក្លឹប​តោខៀវ Chelsea ក្នុង​នាម​ជា​កីឡាករ​ដែល​ផុត​កុងត្រា ហើយ​បាន​មក​ចូល​រួម​ជា​មួយ Real Madrid ក្នុង​កិច្ចសន្យា​កុងត្រា​រយៈពេល 4 ឆ្នាំ។

Rudiger ធ្លាប់ដើរ​តួនាទី​យ៉ាង​សំខាន់​សម្រាប់​ក្លឹប Chelsea និង​ធ្លាប់​បាន​លើក​ពាន FA Cup, Champions League, Europa League, UEFA Super Cup និង Club World Cup ផងដែរ។

ខ្សែការពារ​វ័យ 29 ឆ្នាំ​រូប​នេះ ជា​អតីត​កីឡាករ​ដែល​លេង​នៅ​ក្លឹប AS Roma និង​ត្រូវ​បាន​តោខៀវ Chelsea ចុះ​ហត្ថលេខា​នាំ​យក​មក​កាន់​ទឹកដី Stamford Bridge កាល​ពី​ឆ្នាំ 2017។

ប្រភព: 90 Min