eFootball 2022 នឹង​ចេញ​ការ​អាប់ដេត​ថ្មី 1.2.0 ដែល​ប្រសើរ​ជាង​បច្ចុប្បន្ន

ហ្គេម​បាល់ទាត់​ដ៏​ល្បី eFootball 2022 នឹង​ចេញ​ផ្សាយ​ជំនាន់​ថ្មី 1.2.0 ក្នុង​ពេល​ឆាប់ៗ​នេះ ហើយ​ជុំវិញ​ការ​អាប់​ដេត​នេះ​ដែរ គឺ​ជា​អ្វី​ដែល​ក្រុម​អ្នកផលិត​ហ្គេម អាច​កែកំហុស​ផ្សេងៗ និង​ចំណុច​ដែល​អ្នក​គាំទ្រ​មិន​ពេញ​ចិត្ត។

ហ្គេម​នេះ​ផលិត​ដោយ​ក្រុមហ៊ុន Konami ដែល​ស្នង​តំណែង​នៃ​ហ្គេមបាល់ទាត់​ដ៏​ពេញ​និយម Pro Evolution Soccer (PES)។ eFootball បាន​ជួប​បញ្ហាចាប់តាំង​ពី​ការ​ចេញ​ផ្សាយ​ជាលើក​ដំបូង​របស់​ខ្លួន​ក្នុង​ខែ​កញ្ញា ឆ្នាំ 2021។ ដោយ​សារ​តែ​បញ្ហា​នេះ eFootball បាន​សម្រេច​ចិត្ត​ចាប់​ផ្តើម​ធ្វើ​វា​ឡើង​វិញ​ម្ដង​ទៀត លេច​ចេញ​ជា eFootball 2022 នៅ​ថ្ងៃ​ព្រហស្បតិ៍ ទី 2 ខែ​មិថុនា ឆ្នាំ 2022។

ការ​ចេញ​ផ្សាយ​លើក​នេះ ក្រុម​ហ៊ុន Konami សង្ឃឹម​ថា នឹង​ទទួល​បាន​ជោគជ័យ​ច្រើន​ជាង​ការ​ចេញ​ផ្សាយ​លើក​ដំបូង។ ការ​អាប់ដេត​របស់ eFootball លើក​នេះ នឹង​មាន​សារៈ​សំខាន់​ព្រោះវា​នឹង​កែប្រែ​កំហុស​ឆ្គង, បញ្ហា និង​ខ្លឹមសារ​ថ្មី​របស់​ហ្គេម​ផង​ដែរ។

ទោះ​ជា​យ៉ាងណា eFootball 2022 នឹង​អាច​អាប់ដេត​ទៅ​ជំនាន់​ថ្មី​មួយ​ទៀត​គឺ 1.2.0។ ប៉ុន្តែ​មិន​ទាន់​មាន​កាលបរិច្ឆេទ​ចេញ​ផ្សាយ​​ច្បាស់លាស់​នៅ​ឡើយ​ទេ។ គេ​ជឿ​ថា នៅពេល​ដែល​ការ​អាប់​ដេត 1.2.0 ត្រូវ​បាន​ចេញផ្សាយ គ្រប់​យ៉ាងនឹង​ប្រសើរ​ខ្លាំង ព្រោះ​ក្រុម​អ្នក​ផលិត​ហ្គេម​បាន​កែប្រែ​កំហុស​ផ្សេងៗ ដែល​ទទួល​បាន​ពី​ការ​រាយការណ៍​របស់​អ្នកប្រើប្រាស់។

ប្រភព: Givemesport