បាល់ទាត់អន្តរជាតិ
អ្នកចាំទី 5 រូប ដែលពូកែចាប់បាល់ប៉េណាល់ទីបំផុត នាពេលបច្ចុប្បន្ន!!!
នៅក្នុងពិភពបាល់ទាត់ ដំណាក់កាលដ៏គួរឲ្យភ័យខ្លាចបំផុតមួយនៃការប្រកួត គឺការស៊ុតបាល់ប៉េណាល់ទីកាត់សេចក្ដី។ អ្នកស៊ុតប៉េណាល់ទីត្រូវតែមានការសម្រេចចិត្តជាក់លាក់, កម្លាំងជើង, ទំនុកចិត្ត និងសំណាងផងដែរ។ លើសពីនេះទៅទៀត សម្រាប់អ្នកចាំទីដែលសង្គ្រោះបាល់ ក៏ដូច្នេះដែរ គឺត្រូវតែមានភាពឆ្លាតវៃ, ស្គាល់តិចនិចរបស់គូប្រកួត និងពេលខ្លះត្រូវចេះមើលក្រសែភ្នែកអ្នកស៊ុតទៀតផង។
នៅខាងក្រោមនេះ យើងនឹងបង្ហាញមុខអ្នកចាំទីដែលសង្គ្រោះបាល់បាល់ប៉េណាល់ទីល្អបំផុតទាំង 5 រូប នៅក្នុងពិភពបាល់ទាត់នាពេលបច្ចុប្បន្ន ដោយផ្អែកតាមស្ថិតិ ដែលពួកគេធ្លាប់ធ្វើបានកន្លងមក។
5. Tim Krul (លេងឲ្យក្លឹប Luton Town និងក្រុមជម្រើសជាតិហូឡង់)
អ្នកចាំទីវ័យ 36 ឆ្នាំរូបនេះភាគច្រើនលេងឲ្យក្លឹបក្នុងប្រទេសអង់គ្លេសដូចជា Norwich City និង Newcastle United ជាដើម មុនចូលរួមជាមួយ Luton Town។ គាត់ក៏លេងតំណាងឲ្យក្រុមជម្រើសជាតិរបស់ខ្លួន នៅក្នុងព្រឹត្តិការណ៍សំខាន់ៗផងដែរ។ ក្នុងការប្រកួត Tim Krul មានកំណត់ត្រាចាប់បាល់ប៉េណាល់ទីបានជោគជ័យសរុប 13%។
4. Manuel Neuer (លេងនៅ Bayern Munich និងក្រុមជម្រើសជាតិអាឡឺម៉ង់)
Manuel Neuer ត្រូវបានគេចាត់ទុកជាអ្នកចាំទីដ៏អស្ចារ្យម្នាក់ក្នុងពិភពបាល់ទាត់។ គាត់បានបង្ហាញខ្លួនសរុប 123 ប្រកួតសម្រាប់ក្រុមជម្រើសជាតិអាឡឺម៉ង់។ ក្នុងអំឡុងពេលប្រកួតកន្លងមក គាត់មានកំណត់ត្រាសង្គ្រោះបាល់ 11 ម៉ែត្របាន 23%។
3. Gianluigi Donnarumma (លេងនៅ PSG និងក្រុមជម្រើសជាតិអ៊ីតាលី)
នាពេលបច្ចុប្បន្ន អ្នកចាំទីដៃទី 1 របស់អ៊ីតាលីគ្មាននរណាស៊ីដាច់ Gianluigi Donnarumma នោះឡើយ។ អ្នកចាំទីវ័យ 25 ឆ្នាំរូបនេះមានអាជីពប្រកបដោយផ្លែផ្ការួចហើយ ដោយបានឈ្នះពានលីគជាមួយ AC Milan និង PSG។ គាត់ក៏បានបង្ហាញខ្លួន 66 ប្រកួតសម្រាប់ក្រុមជម្រើសជាតិផងដែរ ជាមួយនឹងកំណត់ត្រាសង្គ្រោះបាល់ពិន័យបាន 26%។
2. Wojciech Szczesny (លេងនៅក្លឹប Juventus និងក្រុមជម្រើសជាតិប៉ូឡូញ)
អ្នកចាំទីម្នាក់ក្នុងចំណោមអ្នកចាំទីដែលទទួលបានការចាប់អារម្មណ៍គឺ Wojciech Szczesny។ អ្នកចាំទីវ័យ 34 ឆ្នាំរូបនេះមានអាជីពបាល់ទាត់ជោគជ័យ ដោយលេងឲ្យក្លឹប Arsenal និង Juventus ហើយថែមទាំងបានបង្ហាញខ្លួន 84 ប្រកួតសម្រាប់ក្រុមជម្រើសជាតិរបស់គាត់។ Szczesny មានកំណត់ត្រាសង្គ្រោះបាល់ពិន័យបាន 30%។
1. Emiliano Martinez (លេងនៅក្លឹប Aston Villa និងក្រុមជម្រើសជាតិអាហ្សង់ទីន)
បន្ទាប់ពីជួយអាហ្សង់ទីន ឲ្យឡើងទៅវគ្គពាក់កណ្ដាលផ្ដាច់ព្រ័ត Copa America 2024 ទល់នឹងអេក្វាឌ័រ ពេលនេះ Emiliano Martinez មានស្ថិតិក្លាយជាកីឡាករដែលជោគជ័យបំផុត ក្នុងការចាប់បាល់ប៉េណាល់ទីជាមួយក្រុមជម្រើសជាតិរបស់ខ្លួន។ កីឡាករវ័យ 31 ឆ្នាំរូបនេះមានធ្លាប់លេងនៅ Arsenal តែជោគជ័យខ្លាំងនៅ Aston Villa និងធ្លាប់ឈ្នះបានស្ទើរគ្រប់យ៉ាងជាមួយអាហ្សង់ទីន។ Martinez មានកំណត់ត្រាសង្គ្រោះបាល់ពិន័យបានលើសគេរហូតដល់ 40%។
ប្រភព: Khelnow
គ្រូបង្វឹករបស់ បាសេឡូណា សម្រេចលុបចោលការប្រារព្ធពិធីជ័យជម្នះ Copa del Rey ទោះមិនទាន់បានលេងក៏ដោយ
ទីបំផុតរកឃើញក្រុមដែលឡើងទៅវគ្គពាក់កណ្តាលផ្តាច់ព្រ័ត្រពានរង្វាន់ UCL ហើយ
ខ្សែប្រយុទ្ធដ៏ឆ្នើមរបស់ Dortmund បំបែកកំណត់ត្រារបស់ Salah នៅ UCL
សហព័ន្ធប្រកាសពីការចាកចេញរបស់លោក Keisuke Honda ក្នុងតួនាទីជាគ្រូបង្វឹកក្រុមជម្រើសជាតិឈុតធំ
អាជ្ញាកណ្តាលកាត់សេចក្ដីរវាង PSG និង Dortmund បានយំ ក្រោយចប់ការប្រកួត! នេះជាមូលហេតុ ដ៏រំជួលចិត្ត
