បាល់ទាត់អន្តរជាតិ
Juventus កំពុងចរចាជាមួយខ្សែការពារឆ្វេងរបស់ក្លឹបកាំភ្លើងធំ
បន្ទាប់ពីរដូវកាលមុនដ៏ខកចិត្ត Juventus កំពុងតែសម្លឹងរកការពង្រឹងបន្ថែមនូវក្រុមរបស់ខ្លួននារដូវក្ដៅនេះ។ ជាមួយនឹងគ្រូបង្វឹកថ្មីលោក Thiago Motta ច្បាស់ណាស់ថា ការរុះរើក្រុមឡើងវិញនឹងត្រូវធ្វើដោយចៀសមិនផុត។ ថ្មីៗនេះយោងតាមរបាយការណ៍ពីលោក Nicolo Schira បានរាយការណ៍ថា ក្លឹប Juventus អាចនឹងចុះហត្ថលេខាបានសម្រេចលើខ្សែការពារឆ្វេងរបស់ Arsenal។
សម្រាប់កីឡាករដែល Juventus កំពុងចង់បាននោះគឺ Jakub Kiwior។ ទោះជាយ៉ាងណាក៏ដោយ Juventus នឹងសាកល្បងលទ្ធភាពខ្ចីជើងកីឡាករសញ្ជាតិប៉ូឡូញរូបនេះប៉ុណ្ណោះ ដែលមិនមែនជាការទិញផ្ដាច់កុងត្រា និងចាយលុយជាសាច់ប្រាក់សុទ្ធនោះទេ។ ថ្វីត្បិតតែបែបនេះក៏ដោយ Juventus នៅអាចមានសិទ្ធិទិញផ្ដាច់កុងត្រាកីឡាករវ័យ 24 ឆ្នាំរូបនេះនៅឆ្នាំបន្ទាប់។
គួររំលឹកផងដែរថា Arsenal បានចុះហត្ថលេខាលើ Jakub Kiwior កាលពីរដូវរងារឆ្នាំមុន ក្នុងតម្លៃ 25 លានអឺរ៉ូពីក្លឹប Spezia។ គាត់ជាអតីតយុវជនដែលធំធាត់ឡើងជាមួយក្លឹប Anderlecht, Zeleziarne និង Zilina។ កាលពីរដូវកាលមុន Jakub Kiwior បង្ហាញខ្លួនសរុប 30 ប្រកួតសម្រាប់ Arsenal។
ប្រភព: Dailysports
ទម្រង់របស់ Real Madrid មិនទាន់នឹងនរនៅឡើយទេ បន្ទាប់Tony Kroos
ក្រុម Crystal Palace ឈ្នះពាន FA Cup ជាលើកដំបូងក្នុងប្រវត្តិសាស្ត្រ បន្ទាប់ពីរង់ចាំអស់ពេលជាង ១២០ឆ្នាំ
ទីបំផុត Bologna ទទួលបានពានរង្វាន់ធំជាលើកដំបូង ក្រោយពីរង់ចាំអស់ ៥១ឆ្នាំ
សហព័ន្ធប្រកាសពីការចាកចេញរបស់លោក Keisuke Honda ក្នុងតួនាទីជាគ្រូបង្វឹកក្រុមជម្រើសជាតិឈុតធំ
អាជ្ញាកណ្តាលកាត់សេចក្ដីរវាង PSG និង Dortmund បានយំ ក្រោយចប់ការប្រកួត! នេះជាមូលហេតុ ដ៏រំជួលចិត្ត
