បាល់ទាត់អន្តរជាតិ
Sporting CP ដាក់តម្លៃផ្ទេរខ្សែការពារ Goncalo Inacio 45 លានអឺរ៉ូ
យោងតាមរបាយការណ៍ចុងក្រោយមួយពីលោក Fabrizio Romano បានឲ្យដឹងថា ក្លឹប Sporting CP នឹងព្រមដោះលែងខ្សែការពារកណ្ដាល Goncalo Inacio ប្រសិនបើមានក្លឹបណាហ៊ានចំណាយដល់ 45 លានអឺរ៉ូ។
យ៉ាងណា គិតមកដល់ពេលនេះ ក្លឹបចចកខ្មៅ Wolves ដែលជាបេក្ខភាពដែលចាប់អារម្មណ៍ខ្លាំងលើខ្សែការពារសញ្ជាតិព័រទុយហ្គាល់រូបនេះ នៅមិនទាន់បើកការពិភាក្សា ដើម្បីចុះហត្ថលេខាលើរូបគេនៅឡើយទេ ហើយក៏មិនទាន់មានសំណើរជាផ្លូវការណ៍ដាក់នៅលើតុចរចាដែរ គឺមានតែពាក្យចចាមអារ៉ាមនៅតែបន្ត។
មិនមែនតែក្លឹប Wolverhampton Wanderers មួយប៉ុណ្ណោះទេ ក្លឹបផ្សេងទៀតជាច្រើន ក៏កំពុងចង់បានខ្សែការពារ Goncalo Inacio។ របាយការណ៍ដែលបានចុះផ្សាយកាលពីប៉ុន្មានសប្ដាហ៍មុន បាននិយាយថា Manchester United កំពុងចាប់អារម្មណ៍លើខ្សែការពាររូបនេះដែរ ដោយក្លឹបបិសាចក្រហមចាប់អារម្មណ៍នឹងទម្រង់លេងរបស់គាត់ ដែលកំពុងលេចធ្លោរខ្លាំង និងអាចយកមកពង្រឹងនៅតំបន់ការពាររបស់ខ្លួនដែលកំពុងដុនដាបខ្លាំង។
កីឡាករវ័យ 20 ឆ្នាំ Goncalo Inacio គឺជាកីឡាករដែលកើតចេញពីថ្នាលយុវជនរបស់ក្លឹប Sporting CP នេះផ្ទាល់តែម្ដង។ រដូវកាលនេះគាត់លេងបាន 42 ប្រកួតឲ្យក្លឹប ដោយរកគ្រាប់បាល់បាន 5 គ្រាប់ និងបញ្ជូនបាល់ឲ្យមិត្តរួមក្រុមបាន 2 ដង គ្រប់ការប្រកួតទាំងអស់ ក្នុងនាមជាខ្សែការពារកណ្ដាល។
ប្រភព: Fabrizio Romano
-
បាល់ទាត់អន្តរជាតិ2 days ago
UEFA កំពុងពិចារណាដាក់ពិន័យបន្ថែម លើខ្សែការពារ Ronald Araujo របស់ Barcelona
-
បាល់ទាត់អន្តរជាតិ2 days ago
Kylian Mbappe រាប់ចូលក្នុងបញ្ជីឈ្មោះកីឡាករដែលស៊ុតបញ្ចូលទីច្រើនជាងគេក្នុងប្រវត្តិសាស្ត្រ UEFA Champions League
-
បាល់ទាត់អន្តរជាតិ3 days ago
PSG លុត Barcelona 4-1 ឡើងទៅកាន់វគ្គពាក់កណ្ដាលផ្ដាច់ព្រ័ត UCL (មានវីដេអូ)