បាល់ទាត់អន្តរជាតិ

ក្លឹបបិសាចក្រហមត្រៀមយក Christian Eriksen ពេលផុតកុងត្រាជាមួយ Brentford

Published

2 years ago

June 5, 2022

Lee Lee

របាយការណ៍ចុងក្រោយមួយបានឲ្យដឹងថា ក្លឹបបិសាចក្រហម Manchester United បានចូលរួមការប្រកួតប្រជែងមួយ ដើម្បីចុះហត្ថលេខាលើខ្សែបម្រើប្រយុទ្ធ Christian Eriksen បន្ទាប់ពីឃើញទម្រង់លេចធ្លោរខ្លាំង នៅក្របខ័ណ្ឌ Premier League។

យ៉ាងណាមិញ គ្រូបង្វឹកថ្មីរបស់ក្លឹបបិសាចក្រហម Manchester United លោក Erik ten Hag កំពុងស្វែងរកការពង្រឹងនៅតំបន់បម្រើរបស់ខ្លួន ខណៈដែលថវិកាដែលក្លឹបផ្ដល់ឲ្យគាត់ ហាក់ដូចជាមិនសមតាមបំណងរបស់ខ្លួនឡើយ។ គាត់គ្រោងនឹងនាំយកកីឡាករចំណូលថ្មីចំនួន 6 នាក់នៅរដូវក្តៅនេះ។ ដូច្នេះ Erik ten Hag ចង់បាន Eriksen ដោយរងចាំគាត់ផុតកុងត្រាជាមួយ Brentford ហើយចុះហត្ថលេខាលើគាត់ដោយគ្មានតម្លៃខ្លួន។

កីឡាករវ័យ 30 ឆ្នាំ Christian Eriksen បានត្រឡប់មកវិញ ជាមួយនឹងទម្រង់លេងដ៏ល្អដូចមុនដដែល ទោះបីជាគាត់ធ្លាប់រងគ្រោះ នូវការគាំងបេះដូងពេលលេងឲ្យក្រុមជម្រើសជាតិដាណឺម៉ាកនៅ Euros កាលពីមួយឆ្នាំមុនក៏ដោយ។

Christian Eriksen នឹងផុតកុងត្រាជាមួយ Brentford នៅថ្ងៃទី 30 ខែមិថុនា ឆ្នាំ 2022 នេះ ហើយប្រសិនបើគាត់មិនបន្តកុងត្រាថ្មីទេ គាត់នឹងក្លាយជាកីឡាករដែលគ្មានតម្លៃខ្លួន និងអាចជាឱកាសមួយសម្រាប់ក្លឹបបិសាចក្រហម ក្នុងការចុះហត្ថលេខាលើគាត់ផងដែរ។

ប្រភព: Mirror