Girona ត្រៀម​ផ្ទេរ​ខ្សែ​ប្រយុទ្ធ​ដែល​ជា​ម្ចាស់​អាវ​លេខ 10 របស់​ក្លឹប Salernitana

ខ្សែ​ប្រយុទ្ធ Boulaye Dia របស់​ក្លឹប Salernitana កំពុង​ទាក់ទាញ​ចំណាប់​អារម្មណ៍​របស់​ក្លឹប​អេស្ប៉ាញ Girona ដែល​ជា​បេក្ខភាព​ក្លឹប​មាន​កៅអី​លេង UEFA Champions League ផង​ដែរ។ យោងតាម​​ប្រភព​ពី​អ្នក​កាសែត​លោក Nicolo Schira បាន​ឲ្យ​ដឹង​ថា កីឡាករ​វ័យ 27 ឆ្នាំ​រូប​នេះ​ក៏​មាន​ចេតនា​ក្នុង​ការ​ចាកចេញ​ពី​ក្លឹប​បច្ចុប្បន្ន​របស់​ខ្លួន​ដែរ។

យ៉ាង​ណា​មិញ Boulaye Dia នៅ​មាន​កុងត្រា​ជាមួយ​ក្លឹប Salernitana រហូត​ដល់​ខែ​មិថុនា ឆ្នាំ 2026។ ខ្សែ​ប្រយុទ្ធ​រូប​នេះ ត្រូវ​បាន Salernitana ចុះ​ហត្ថលេខា​ក្នុង​តម្លៃ 12 លានអឺរ៉ូ ពី​ក្លឹប​អេស្ប៉ាញ Villarreal កាល​ពី​រដូវក្តៅ​ឆ្នាំ​មុន។ កាល​​ពី​រដូវ​កាល​មុន Boulaye Dia ស៊ុត​បញ្ចូលទី​បាន 4 ​គ្រាប់ ក្នុង​ការ​បង្ហាញ​ខ្លួន 18 ​ប្រកួត។

ប្រភព: Dailysports