បាល់ទាត់អន្តរជាតិ
Chelsea នឹងត្រូវបង់ប្រាក់មួយចំនួនឲ្យ Graham Potter ប្រសិនបើគ្រូបង្វឹករូបនេះត្រូវបានតែងតាំងឲ្យដឹកនាំក្រុមជម្រើសជាតិអង់គ្លេស
ក្លឹបតោខៀវ Chelsea នឹងត្រូវចំណាយប្រាក់មួយចំនួន ប្រសិនបើអតីតគ្រូបង្វឹករបស់ពួកគេលោក Graham Potter ទៅកាន់តំណែងស្នងបន្តពី Gareth Southgate ដែលជាគ្រូបង្វឹកក្រុមជម្រើសជាតិអង់គ្លេស។ យ៉ាងណាមិញ សម្រាប់គ្រូបង្វឹកវ័យ 49 ឆ្នាំរូបនេះបានទំនេរពីការងារជាយូរមកហើយ ចាប់តាំងពីត្រូវបានតោខៀវបណ្តេញចេញពីតំណែងក្នុងខែមេសា ឆ្នាំ 2023 ម្ល៉េះ។
Graham Potter គឺជាគ្រូបង្វឹកដំបូងគេដែលតែងតាំងក្នុងយុគសម័យរបស់ប្រធានក្លឹប Todd Boehly ដែលទើបចូលមកកាន់ការងារនៅ Stamford Bridge។ យ៉ាងណា គ្រូបង្វឹកសញ្ជាតិអង់គ្លេសរូបនេះ មានកំណត់ត្រានៃការដឹកនាំមិនល្អឡើយ ពោលគឺឈ្នះបាន 12 ដង, ស្មើ 8 និងចាញ់ 11 ដង ក្នុងការប្រកួតសរុប 31 ប្រកួតរបស់ Chelsea។
ឥឡូវនេះ Graham Potter ត្រូវបានគេជឿថា កំពុងស្ថិតក្នុងចំណោមបេក្ខភាពគ្រូបង្វឹកដែលសហព័ន្ធបាល់ទាត់អង់គ្លេសចង់យកមកដឹកនាំបន្តពីលោក Gareth Southgate ដែលទើបនឹងចាកចេញទៅ។ យោងតាមកាសែត Daily Mail បានឲ្យដឹងថា Chelsea នឹងចំណាយប្រាក់រហូតដល់ 1 លានផោន ប្រសិនបើអង់គ្លេសសម្រេចចិត្តតែងតាំង Graham Potter ជាគ្រូបង្វឹកថ្មីរបស់ពួកគេ។
របាយការណ៍ដដែលនេះដែរបានបន្ថែមឲ្យដឹងទៀតថា Graham Potter មានប្រាក់ពលកម្ម 200,000 ផោន ក្នុងមួយសប្តាហ៍នៅ Chelsea ហើយក្លឹបតោខៀវនៅតែត្រូវបើកប្រាក់ខែឲ្យគាត់រហូតដល់ខែតុលា ចុងឆ្នាំនេះ។ ប៉ុន្តែប្រសិនបើគាត់ក្លាយជាគ្រូបង្វឹករបស់ក្រុមជម្រើសជាតិអង់គ្លេសនាពេលខាងមុខ នោះតោខៀវត្រូវតែបង់ផ្ដាច់ឲ្យ Graham Potter ទាំងអស់តែម្ដង។
ប្រភព: Sportsmole
ហេតុផលទាំង 4 ដែល FIFA មិនអនុញ្ញាតឱ្យកីឡាករមានក្លឹបច្រើននៅក្នុងដៃ
Manchester United កំពុងពិចារណាយកអ្នកចាំទីម្នាក់តម្លៃ ៧៥លានអឺរ៉ូ មកជំនួសកន្លែង Onana
ក្លឹបបាល់ទាត់នៅបារាំងដែល Mbappe ទើបតែទិញ កំពុងជួបបញ្ហាធ្ងន់ធ្ងរមិនធ្លាប់មាន
សហព័ន្ធប្រកាសពីការចាកចេញរបស់លោក Keisuke Honda ក្នុងតួនាទីជាគ្រូបង្វឹកក្រុមជម្រើសជាតិឈុតធំ
អាជ្ញាកណ្តាលកាត់សេចក្ដីរវាង PSG និង Dortmund បានយំ ក្រោយចប់ការប្រកួត! នេះជាមូលហេតុ ដ៏រំជួលចិត្ត
