បាល់ទាត់អន្តរជាតិ
Arnold ចាប់អារម្មណ៍ក្នុងការចូលរួមជាមួយ Real Madrid
នៅប៉ុន្មានសប្ដាហ៍ចុងក្រោយនេះ គេបានដឹងថា ក្លឹបអធិរាជស Real Madrid មានចំណាប់អារម្មណ៍ក្នុងការចុះហត្ថលេខាលើខ្សែការពារស្តាំរបស់ហង្សក្រហម Liverpool។ បន្ទាប់ពីខកខានលើការចុះហត្ថលេខាផ្ទេរ Leny Yoro ពេលនេះ Real Madrid នឹងងាកមកស្វែងរកខ្សែការពារចំណូលថ្មីម្នាក់ផ្សេងទៀត។
យ៉ាងណាមិញ ពួកគេបានកំណត់គោលដៅ ដោយចង់ចុះហត្ថលេខាលើតារាឆ្នើមរបស់ហង្សក្រហម Liverpool គឺកីឡាករ Trent Alexander-Arnold ដែលខ្សែការពារសញ្ជាតិអង់គ្លេសរូបនេះផ្ទាល់ ក៏បានបើកចំហរចិត្តក្នុងការផ្ទេរទៅ Santiago Bernabeu ផងដែរ។ របាយការណ៍ជាច្រើនបានបញ្ជាក់ថា Real Madrid ពិតជាពេញចិត្តនឹងសមត្ថភាពរបស់ខ្សែការពារស្តាំរូបនេះ ដោយការផ្ទេរគេនៅរដូវក្ដៅនេះពិតជាអាចទៅរួច។
ដោយឡែក Trent Alexander-Arnold នៅសល់កុងត្រាត្រឹមតែ 1 ឆ្នាំទៀតប៉ុណ្ណោះ ជាមួយក្លឹបច្ចុប្បន្នរបស់ខ្លួន។ ទោះជាយ៉ាងណា ប្រសិនបើ Real Madrid សម្រេចចិត្តក្នុងការចុះហត្ថលេខាលើ Arnold នៅរដូវក្តៅនេះ ពួកគេអាចនឹងចំណាយប្រាក់ច្រើនគួរសម ខណៈដែល Liverpool ប្រាកដជាមិនអនុញ្ញាតឲ្យគាត់ចាកចេញក្នុងតម្លៃថោកនោះឡើយ។
ប្រភព: Khelnow
សង្ខេបព្រឹត្តិការណ៍សំខាន់ៗនៃការប្រកួត Madrid Derby
Sergio Ramos ចូលរួមក្លឹបថ្មីនៅមិកស៊ីកូ ពាក់លេខ 93 ដោយសារមូលហេតុនេះ
Marcelo ប្រកាសចូលនិវត្តន៍ពីបាល់ទាត់ ក្នុងវ័យ ៣៦ឆ្នាំ
សហព័ន្ធប្រកាសពីការចាកចេញរបស់លោក Keisuke Honda ក្នុងតួនាទីជាគ្រូបង្វឹកក្រុមជម្រើសជាតិឈុតធំ
អាជ្ញាកណ្តាលកាត់សេចក្ដីរវាង PSG និង Dortmund បានយំ ក្រោយចប់ការប្រកួត! នេះជាមូលហេតុ ដ៏រំជួលចិត្ត
