Atletico Madrid ត្រៀម​ចុះ​ហត្ថលេខា​លើ​ខ្សែបម្រើ​ម្នាក់​របស់​ក្លឹប​តោខៀវ

កីឡាករ​ជា​ច្រើន​ត្រូវ​បាន​ផ្សារភ្ជាប់​ជាមួយ​នឹង​ការ​ផ្ទេរ​ទៅ​កាន់ Atletico Madrid នៅ​រដូវក្ដៅ​ឆាប់ៗ​ខាង​មុខ ប៉ុន្តែ​ក្លឹប​យក្ស​របស់​អេស្ប៉ាញ​មួយ​នេះ​ផ្ទាល់ ពិត​ជា​ចង់​ចុះ​ហត្ថលេខា​លើ​ខ្សែបម្រើ​ម្នាក់​ជា​ចាំ​បាច់។ បច្ចុប្បន្ន Atletico Madrid នៅ​មាន​ភាព​ស្ទើរ​ក្នុង​តំបន់​បម្រើ ដែល​ជា​ហេតុ​ធ្វើ​ឲ្យ​ពួក​គេ​ពិបាក​ប្រកួត​ប្រជែង​នៅ​រដូវកាល​ក្រោយ។

យោងតាម​សេចក្ដី​រាយការណ៍​របស់ teamTALK បាន​ឲ្យ​ដឹង​ថា ថ្មីៗ​នេះ Atletico Madrid បាន​ទាក់ទង​ទៅ​កាន់​ខ្សែបម្រើ Conor Gallagher របស់ Chelsea។ យ៉ាង​ណា​មិញ Atletico Madrid ជឿជាក់​ថា ខ្សែបម្រើ​ឆ្នើម​រូប​នេះ ពួក​គេ​អាច​បញ្ចុះបញ្ចូល Chelsea ឲ្យ​លក់​គេ​មក​ឲ្យ​ខ្លួន​បាន។

ទន្ទឹម​នឹង​នេះ​ដែរ Atletico Madrid បាន​ចាត់​ទុក​ខ្សែបម្រើ​វ័យ 24 ឆ្នាំ Conor Gallagher ជា​កីឡាករ​ដែល​សាកសម​នឹង​ផែនការ​រយៈពេល​វែង​របស់​លោក Diego Simeone។ គេ​ក៏​បាន​ដឹង​ផង​ដែរ​ថា Conor Gallagher ពិត​ជា​ពេញ​ចិត្ត​នឹង​ជម្រើស​នៃ​ការ​ផ្ទេរ​ទៅ​ទឹកដី​អេស្ប៉ាញ ដែល​ជា​កន្លែង​អាច​ឲ្យ​គាត់​មាន​ឱកាស​លេង​កាន់​តែ​ច្រើន។

ប្រភព: Dailysports