ខុស​ពី​ការ​រំពឹង​ទុក 360 ដឺក្រេ!!! Sergi Roberto ត្រៀម​ផ្ទេរ​ទៅ​លេង​នៅ​ក្លឹប​មួយ​នេះ

ខ្សែបម្រើ​ដែល​មាន​បទពិសោធន៍​ក្រាស់ក្រែល និង​ជាប្រធាន​ក្រុម​របស់ Barcelona គឺ​កីឡាករ Sergi Roberto នឹង​ចាកចេញ​ពី​ក្លឹប​កាតាឡាន់​នៅ​រដូវក្តៅ​ឆាប់ៗ​ខាង​មុខ។ ក្លឹប​ជា​ច្រើន​បាន​ចាប់អារម្មណ៍​លើ​កីឡាករ​សញ្ជាតិ​អេស្ប៉ាញ ដែល​ទើប​​ផុត​កុងត្រា ហើយ​ក្លាយ​ជា​កីឡាករ​ដែល​គ្មាន​តម្លៃ​ខ្លួន​រូបនេះ។

យោងតាម​របាយការណ៍​ពី​លោក ​​Fabrizio Romano បាន​ឲ្យ​ដឹង​ថា មាន​ក្លឹប 1 ក្នុង​ចំណោម​ក្លឹប​ផ្សេងៗ​ដែល​ចង់​ប្រជែង​យក Sergi Roberto ក៏​មាន​ក្លឹប AFC Ajax ដែល​មក​ពី​ទឹកដី Amsterdam ផង​ដែរ។ ក្លឹប​ដែល​មក​ពី​លីគ​កំពូល​នៃ​ប្រទេស​ហូឡង់​មួយ​នេះ ត្រូវ​បាន​គេ​ដឹង​ថា កំពុង​មាន​ទំនាក់​ទំនង​យ៉ាង​ជិតស្និទ្ធិ​លើ​លទ្ធភាព​នៃ​ការ​ផ្ទេរ Sergi Roberto។

ដោយ​ឡែក​នៅ​មុន​នេះ​បន្តិច ក៏​មាន​សេចក្តី​រាយការណ៍​មក​ថា ក្លឹប​ដែល​ស្ថិត​នៅ​លីគ​កំពូល​អេស្ប៉ាញ (La Liga) ចំនួន 3 បាន​ចាប់អារម្មណ៍​លើ Sergi Roberto ដូចគ្នា ដែល​ក្លឹប​ទាំង​នោះ​មាន Valencia, Sevilla និង Girona។ គួរ​រំលឹក​ផង​ដែរ​ថា កីឡាករ​វ័យ 32 ឆ្នាំ​រូប​នេះ​បាន​ចំណាយ​ពេល​ពេញ​មួយ​អាជីព​របស់​គាត់​ដោយ​លេង​ឲ្យ​ក្លឹប Barcelona ហើយ​គិត​ដល់​បច្ចុប្បន្ន​គាត់​បាន​បង្ហាញ​ខ្លួន​សរុប 373 ប្រកួត ដោយ​ស៊ុត​បញ្ចូលទី​បាន 19 គ្រាប់ និង​បញ្ជូន​បាល់​ឲ្យ​មិត្ត​រួម​ក្រុម​បាន 43 ដង។

ប្រភព: Dailysports