បាល់ទាត់អន្តរជាតិ
មិនឲ្យរួចខ្លួនទេ ពេលនេះ Morata និង Pedri ត្រូវបាន UEFA ដាក់ពិន័យហើយ!!!
ការអបអរសាទរជ័យជម្នះរបស់ក្រុមបាល់ទាត់នៃប្រទេសអេស្ប៉ាញ ក្នុងការប្រកួតជើងឯកទ្វីបអឺរ៉ុប (Euro) 2024 បានក្លាយទៅជារឿងអាស្រូវដ៏ធំមួយ ហើយឥឡូវនេះ UEFA បានធ្វើការសម្រេចចិត្តថ្កោលទោសកីឡាករសំខាន់ៗចំនួន 2 នាក់ នៃក្រុមជម្រើសជាតិរបស់ពួកគេ។
សូមរំលឹកឡើងវិញថា ក្នុងអំឡុងពេលនៃការប្រារព្ធពិធីអបអរការឈ្នះពាន Euro 2024 មានការស្រែកជាសម្លេងដោយបន្លឺឡើងថា៖ “Gibraltar is Spain” ដែលមានន័យថា “Gibraltar ជារបស់ប្រទេសអេស្ប៉ាញ” ហើយកីឡាករដែលបានស្រែកនោះគឺ Alvaro Morata និង Pedri។
ដោយឡែកយើងគួរដឹងដែរថា Gibraltar គឺជាអ្វី? Gibraltar គឺជាទឹកដីមួយនៅឆ្នេរសមុទ្រភាគខាងត្បូងនៃប្រទេសអេស្ប៉ាញ។ នោះគឺជាទីលំនៅដំបូងរបស់ជនជាតិ Moors ក្នុងយុគសម័យកណ្តាល ហើយក្រោយមកត្រូវបានគ្រប់គ្រងដោយប្រទេសអេស្ប៉ាញ។ នៅឆ្នាំ 1704 កងទ័ពអង់គ្លេស និងហូឡង់បានដណ្តើមយក Gibraltar ពីប្រទេសអេស្ប៉ាញក្នុងកំឡុងពេលនៃសង្រ្គាមដណ្ដើមរាជ្យរបស់អេស្ប៉ាញ ហើយវាត្រូវបានប្រគល់ទៅឲ្យចក្រភពអង់គ្លេសជារៀងរហូតតាំងពីពេលនោះមក ក្រោមសន្ធិសញ្ញា Utrecht ក្នុងឆ្នាំ 1713។
ទឹកដី Gibraltar គឺជាចំណុចមួយនៃការឈ្លោះប្រកែកគ្នារវាងអង់គ្លេស និងអេស្ប៉ាញ ខណៈដែលអេស្ប៉ាញតែងតែមានការទាមទារទឹកដីនេះមកវិញ។ យ៉ាងណាប្រជាជនដែលរស់នៅក្នុងទឹកដីនោះ បានច្រានចោលយ៉ាងដាច់ខាតពីសំណើរនៃការទាមទាររបស់អេស្ប៉ាញ ដោយប្រើប្រាស់ប្រជាមតិឆ្នាំ 1967 និងប្រជាមតិម្ដងទៀតនៅឆ្នាំ 2002។ ទោះជាយ៉ាងណាក៏ដោយ Gibraltar នៅតែមានទំនាក់ទំនងសេដ្ឋកិច្ច និងវប្បធម៌ជិតស្និទ្ធជាមួយប្រទេសអេស្ប៉ាញ ដោយប្រជាជនភាគច្រើននៅទីនោះនិយាយភាសាអេស្ប៉ាញ។
ងាកមកមើលពី Alvaro Morata និង Pedri វិញម្ដង ដោយបន្ទាប់ពីនោះមកការស៊ើបអង្កេតរបស់ UEFA បានចាប់ផ្តើម។ ជាលទ្ធផល UEFA បានបញ្ជាក់ថា កីឡាករឆ្នើមទាំង 2 រូបនេះ នឹងមានការព្យួរ 1 ប្រកួតសម្រាប់ការបង្ហាញខ្លួនជាមួយក្រុមជម្រើសជាតិនាព្រឹត្តិការណ៍បន្ទាប់។
សម្រាប់ហេតុផលនៃការពិន័យ ដោយសារ Morata និង Pedri មិនគោរពតាមគោលការណ៍ទូទៅរបស់ UEFA ដោយប្រើប្រាស់ព្រឹត្តិការណ៍កីឡា មកជាការកេងចំណេញផ្នែកនយោបាយ និងធ្វើឲ្យខូចកិត្តិយសនៃកីឡាបាល់ទាត់។ ដោយសារការដាក់ពិន័យនេះ Morata និង Pedri ត្រូវខកខានការប្រកួត UEFA Nations League ដែលជាការប្រកួតបើកឆាកជាមួយស៊ែប៊ី នៅថ្ងៃទី 5 ខែកញ្ញា។
ប្រភព: Dailysports
ខ្សែការពារសំខាន់ម្នាក់របស់ Pep Guardiola រងរបួសធ្ងន់
Cristiano Ronaldo ប្រាប់ឈ្មោះអតីតក្លឹបចាស់មួយ ដែលគាត់ស្រឡាញ់បំផុត
មិនមែនជា Messi ទេ តែជាកីឡាករឆ្នើមរូបនេះ ដែល Lamine Yamal ចង់លេងជាមួយ
សហព័ន្ធប្រកាសពីការចាកចេញរបស់លោក Keisuke Honda ក្នុងតួនាទីជាគ្រូបង្វឹកក្រុមជម្រើសជាតិឈុតធំ
អាជ្ញាកណ្តាលកាត់សេចក្ដីរវាង PSG និង Dortmund បានយំ ក្រោយចប់ការប្រកួត! នេះជាមូលហេតុ ដ៏រំជួលចិត្ត
Lisandro Martinez ថា កីឡាកររូបនេះគឺល្អបំផុត មិនអាចប្រៀបធៀបជាមួយនឹងនរណាម្នាក់បានឡើយ
-
បាល់ទាត់អន្តរជាតិ4 days agoJurgen Klopp លើកឡើងថា កីឡាករមិនមែនជាផ្នែកមួយដ៏សំខាន់ ក្នុងការធ្លាក់ចុះនៃទម្រង់លេងរបស់បិសាចក្រហមនោះទេ
-
បាល់ទាត់អន្តរជាតិ4 days agoPaul Dybala បង្ហាញអារម្មណ៍ពិតរបស់ខ្លួន ក្រោយបានពាក់អាវលេខ 10 នៅក្នុងក្រុមជម្រើសជាតិអាហ្សង់ទីន
-
បាល់ទាត់អន្តរជាតិ3 days agoJoshua Kimmich កំពុងមានជម្រើស 2 រវាង Barcelona និង Real Madrid
