ផ្លូវការណ៍៖ Barcelona សម្រេច​ចិត្ត​លក់​ខ្សែការពារ​មិន​សូវ​បាន​លេង​របស់​ខ្លួន​ទៅ​ឲ្យ​ក្លឹប Bournemouth

ក្លឹប​អង់គ្លេស Bournemouth ថ្ងៃ​នេះ​បាន​ប្រកាស​ពី​ការ​ចុះ​ហត្ថលេខា​លើ​ខ្សែការពារ​ស្តាំ Julian Araujo របស់ Barcelona។ យោងតាម​របាយការណ៍​ពី ​​Transfermarkt បាន​ឲ្យ​ដឹង​ពី​តម្លៃ​ផ្ទេរ​របស់​ខ្សែការពារ​រូប​នេះ​មាន​ចំនួន 10 លានអឺរ៉ូ ហើយ​គេ​បាន​ចុះ​ហត្ថលេខា​លើ​កុងត្រា​រយៈពេល 5 ឆ្នាំ​ជាមួយ Bournemouth ផង​ដែរ។

យ៉ាង​ណា​មិញ Julian Araujo គឺ​ជា​កីឡាករ​ដែល​មាន​ដើម​កំណើត​មក​ពី​ប្រទេស​ម៉ិកស៊ិកូ ហើយ​គាត់​ក៏​បាន​លេង​ឲ្យ​ក្រុម​ជម្រើស​ជាតិ​របស់​ខ្លួន​បាន 13 ប្រកួត​មក​ហើយ។ កាល​ពី​រដូវ​កាល​មុន ខ្សែ​ការពារ​រូប​នេះ​បាន​​ចំណាយ​ពេល​ខ្ចី​ជើង​នៅ​ក្លឹប Las Palmas ដោយ​នៅ​ទីនោះ​គាត់​បាន​បង្ហាញ​ខ្លួន​សរុប 28 ប្រកួត និង​​ស៊ុត​បញ្ចូលទី​បាន 2 គ្រាប់។

ប្រភព: Dailysports