បាល់ទាត់អន្តរជាតិ
ប្រធានក្លឹប Barcelona បញ្ជាក់ថា Gavi នឹងយល់ព្រមបន្តកុងត្រាថ្មីជាមួយក្លឹប
យោងតាមសេចក្ដីរាយការណ៍ចុងក្រោយមួយបានឲ្យដឹងថា ប្រធានក្លឹប Barcelona លោក Joan Laporta បានបញ្ជាក់ថា ក្លឹបរបស់គាត់ជិតបិទបញ្ចប់រួចរាល់ហើយ ក្នុងការឈានដល់កិច្ចព្រមព្រៀងថ្មីមួយជាមួយកីឡាករវ័យក្មេង Pablo Gavi។
Gavi ដែលមិនទាន់មានវ័យ 18 ឆ្នាំពេញលេញផងនោះ បានក្លាយជាខ្សែបម្រើដ៏សំខាន់របស់ក្លឹប Barcelona ក្នុងរដូវកាលឆ្នាំ 2021/22 នេះ ដោយបង្ហាញខ្លួនបាន 47 ដង គ្រប់ការប្រកួតទាំងអស់របស់ក្លឹប។
ប៉ុន្តែកីឡាករវ័យក្មេងរូបនេះ នៅមានកុងត្រាសម្រាប់ក្លឹបបច្ចុប្បន្នរបស់ខ្លួន ត្រឹមតែមួយឆ្នាំទៀតប៉ុណ្ណោះ ដែលបង្កឲ្យមានហានិភ័យអំពីអនាគតរបស់គាត់នាពេលខាងមុខ ស្របពេលដែលក្លឹបហង្សក្រហម Liverpool កំពុងព្យាយាមទាក់ទងចង់បានគាត់ ដោយពួកគេហ៊ានចំណាយដល់ខ្ទង់ 40 លានអឺរ៉ូ។
មានការរាយការណ៍មួយបានលើកឡើងថា Gavi បានបដិសេធសំណើរកុងត្រាថ្មីរបស់ Barcelona ដែលមានតម្លៃ 2 លានអឺរ៉ូក្នុងមួយឆ្នាំ ហើយវាជាតួលេខដែលមានចំនួនតិចតួចបំផុត បើគាត់ព្រមផ្ទេរទៅ Liverpool នោះនឹងទទួលបានជិត 9 លានអឺរ៉ូឯណោះ។
ទោះយ៉ាងណាក៏ដោយ ជម្រើសដែលពេញចិត្តរបស់ Gavi នៅតែត្រូវបានគេគិតថា គឺជាក្លឹប Barcelona ព្រោះគាត់ជាកីឡាករដែលប្រសូត្រចេញពីថ្នាលយុវជន La Masia និងតែងតែមាន Barcelona នៅក្នុងចិត្តជានិច្ច។
ប្រភព: 90 Min
ហេតុផលទាំង 4 ដែល FIFA មិនអនុញ្ញាតឱ្យកីឡាករមានក្លឹបច្រើននៅក្នុងដៃ
Manchester United កំពុងពិចារណាយកអ្នកចាំទីម្នាក់តម្លៃ ៧៥លានអឺរ៉ូ មកជំនួសកន្លែង Onana
ក្លឹបបាល់ទាត់នៅបារាំងដែល Mbappe ទើបតែទិញ កំពុងជួបបញ្ហាធ្ងន់ធ្ងរមិនធ្លាប់មាន
សហព័ន្ធប្រកាសពីការចាកចេញរបស់លោក Keisuke Honda ក្នុងតួនាទីជាគ្រូបង្វឹកក្រុមជម្រើសជាតិឈុតធំ
អាជ្ញាកណ្តាលកាត់សេចក្ដីរវាង PSG និង Dortmund បានយំ ក្រោយចប់ការប្រកួត! នេះជាមូលហេតុ ដ៏រំជួលចិត្ត
