Connect with us

បាល់ទាត់អន្តរជាតិ

អង់គ្លេស​ចាញ់​ហុងគ្រី 4-0 យ៉ាង​អាម៉ាស់ នៅ​ក្នុង​ដី​របស់​ខ្លួន

Published

on

ក្រុម​ជម្រើស​ជាតិ​អង់គ្លេស​បាន​បរាជ័យ​យ៉ាង​អាម៉ាស់​បំផុត​ដោយ​ចាញ់​ក្នុង​ដី​របស់​ខ្លួន​ជា​មួយ​នឹង​លទ្ធផល 4-0 ក្រោម​ស្នាដៃ​ក្រុម​ជម្រើសជាតិ​ហុងគ្រី​កាលពី​រំលង​អាធ្រាត​យប់​មិញ​នេះ។

ការ​ចាញ់​នេះ​ដែរ បាន​ធ្វើ​ឲ្យ​ក្រុម​តោកំណាច​អង់គ្លេស​ធ្លាក់​មក​ឈរ​នៅ​បាតតារាង​ក្នុង​ពូល (League A Group 3) នៃ​ក្របខណ្ឌ UEFA Nations League។ ឆ្លង​កាត់ 4 ប្រកួត​កន្លង​ម​ក ក្រុម​ជម្រើស​ជាតិ​អង់គ្លេស​មិន​ស្គាល់​លទ្ធផល​ឈ្នះ​សូម្បី​តែ​មួយ​ប្រកួត គឺ​មាន​តែ​ស្មើ និង​ចាញ់​ប៉ុណ្ណោះ។

គ្រាប់​បាល់​ទាំង​បួន​គ្រាប់​របស់​ក្រុម​ជម្រើស​ជាតិ​ហុងគ្រី គឺ​ជា​ការ​ស៊ុត​បញ្ចូល​ទី​ពី​កីឡាករ Roland Sallai នៅ​នាទីទី 16 និង​នាទីទី 70, Zsolt Nagy នៅ​នាទីទី 80 និង Daniel Gazdag នៅ​នាទីទី 89។ ហើយ​នៅ​នាទីទី 82 ខ្សែការពារ John Stones របស់​អង់គ្លេស ក៏​ទទួល​បាន​កាត​ក្រហម​ផង​ដែរ ដែល​ជា​កាត​លឿង​លើក​ទីពីរ។

យ៉ាង​ណា​មិញ កាល​ពី​ដំបូង​ឡើយ​បន្ទាប់​ពី​អ្នក​គាំទ្រ​បាន​ឃើញ​លទ្ធផល​ចែក​ពូល​នោះ គ្រប់​គ្នា​គិត​ថា ប្រហែល​មាន​តែ​ក្រុម​ជម្រើស​ជាតិ​ហុងគ្រី​ទេ ដែល​នឹង​ឈរ​នៅ​បាត​តារាង ហើយ​មិន​អាច​ប្រជែង​ជា​មួយ​ក្រុម​ខ្លាំងៗ​ក្នុង​ពូល​ដូច​ជា អាឡឺម៉ង់, អ៊ីតាលី និង​អង់គ្លេស ជា​ដើម។ តែ​អ្វីៗ​ខុស​ពី​ការ​គិត ពោល​គឺ​ហុងគ្រី​កំពុង​ឈរ​នៅ​កំពូល​តារាងក្នុង​ពូល​ដែល​មាន 7 ពិន្ទុ។

ប្រភព: 90 Min

Trending

© រក្សា​សិទ្ធិ​គ្រប់​យ៉ាង​ដោយ​ X-SPORT ឆ្នាំ​ ២០២២