បាល់ទាត់អន្តរជាតិ
លែងជាតួអង្គសំខាន់ ពេលនេះ Barcelona បើកចំហរចិត្តក្នុងការលក់ De Jong
ក្លឹបអ្នកមានបុណ្យ Barcelona បានកំណត់តម្លៃដែលពួកគេអាចលក់ Frenkie de Jong ជាមួយនឹងចំនួនប្រហែល 70 លានអឺរ៉ូ។ ការសម្រេចចិត្តនេះ បានកើតឡើងដោយសារតែក្លឹបបិសាចក្រហម Manchester United នៅតែបន្តការចាប់អារម្មណ៍យ៉ាងខ្លាំងលើខ្សែបម្រើសញ្ជាតិហូឡង់រូបនេះ។
ចាប់តាំងពីបានមកដល់ Barcelona ក្នុងឆ្នាំ 2019 ដោយផ្ទេរពីក្លឹប Ajax មក ខ្សែបម្រើឆ្នើម Frenkie de Jong គឺជាតួអង្គសំខាន់នៅក្នុងតំបន់បម្រើរបស់ក្រុម និងឈានដល់ការបង្ហាញខ្លួនសរុបរហូតដល់ 200 ប្រកួត។ ទោះបីជាយ៉ាងណាក៏ដោយ បញ្ហារបួសបានរារាំងការបង្ហាញសមត្ថភាពរបស់គាត់នារដូវកាលថ្មីនេះ។
ស្របពេលជាមួយគ្នានោះ ខ្សែបម្រើក្មេងៗដែលលោក Hansi Flick បានប្រូម៉ូតឡើងមកពីឈុតយុវជនរបស់ក្លឹប ក៏មានទម្រង់លេងល្អ និងមានភាពរស់រវើកនៅក្នុងក្រុម។ ទាំងនេះ បានជះឥទ្ធិពលដល់ការសម្រេចចិត្តរបស់ក្លឹប ក្នុងការពិចារណាលក់ Frenkie de Jong។
Barcelona បានមើលឃើញពីឱកាសក្នុងការទាញយកប្រាក់យ៉ាងច្រើន សម្រាប់ការលក់ខ្សែបម្រើវ័យ 27 ឆ្នាំរូបនេះ ដោយអាចឲ្យពួកគេសម្រួលបញ្ហាតុល្យភាពហិរញ្ញវត្ថុនៅក្នុងក្រុមរបស់ខ្លួនបានកាន់តែប្រសើរ។
ប្រភព: Fichajes
Wow 🤩 ក្រុមបាល់ទាត់ហ្វូតសាលកម្ពុជានៅជប៉ុន🇰🇭🇯🇵 បានចូលរួមក្នុងកម្មវិធី Go Japan Spring Cup 2026 ៕
X-SPORT រីករាយក្នុងការចូលរួមជាផ្នែកមួយជួយផ្សព្វផ្សាយពីកម្មវិធីនេះ…❤️🥰
ចែករំលែកក្ដីស្រលាញ់ តាមរយៈការប្រកួតបាល់ទាត់សប្បុរសធម៌ អង្គការផ្កាយសមុទ្រ ២០២៥
សហព័ន្ធប្រកាសពីការចាកចេញរបស់លោក Keisuke Honda ក្នុងតួនាទីជាគ្រូបង្វឹកក្រុមជម្រើសជាតិឈុតធំ
អាជ្ញាកណ្តាលកាត់សេចក្ដីរវាង PSG និង Dortmund បានយំ ក្រោយចប់ការប្រកួត! នេះជាមូលហេតុ ដ៏រំជួលចិត្ត
