បាល់ទាត់អន្តរជាតិ
Barcelona នឹងទទួលបានប្រាក់ជិត 3 លានអឺរ៉ូពី FIFA!
ក្លឹបអ្នកមានបុណ្យ Barcelona ត្រៀមទទួលប្រាក់ជិត 3 លានអឺរ៉ូ ជាសំណងពី FIFA ដោយសាររបួសរបស់ខ្សែការពារ Ronald Araujo ដែលត្រូវបានអវត្តមានមិនអាចចូលលេងជាមួយក្លឹបបានតាំងពីខែកក្កដា កន្លងទៅ។ នោះជារបួសធ្ងន់ធ្ងរ ដែលកើតឡើងក្នុងអំឡុងពេលបំពេញកាតព្វកិច្ចជាមួយក្រុមជម្រើសជាតិ ក្នុងព្រឹត្តិការណ៍នៃការប្រកួត Copa America។
ខ្សែការពារកណ្ដាលរូបនេះ បានរងរបួសនៅថ្ងៃទី 7 ខែកក្កដា ជាការប្រកួតទល់នឹងប្រទេសប្រេស៊ីល។ បទបញ្ញត្តិមួយរបស់ FIFA គឺត្រូវផ្តល់សំណងជាទឹកប្រាក់ដល់ក្លឹប នៅពេលដែលកីឡាកររងរបួស ក្នុងកំឡុងពេលលេងឲ្យក្រុមជម្រើសជាតិរបស់ពួកគេ។ សំណងនៃការផ្ដល់ជូនរបស់ FIFA គឺមានជាទឹកប្រាក់ 20,000 អឺរ៉ូ ក្នុងមួយថ្ងៃ ជាថ្ងៃដែលអវត្តមានក្នុងការលេងឲ្យក្លឹប ហើយសំណងនេះក៏មានដែនកំណត់អតិបរមាត្រឹម 7.5 លានអឺរ៉ូប៉ុណ្ណោះ។
គួរដឹងផងដែរថា Ronald Araujo ត្រូវបានគេរំពឹងថា នឹងអាចត្រឡប់វិលចូលទីលានវិញបាននៅថ្ងៃទី 15 ខែធ្នូ ក្នុងការប្រកួតលីគរវាង Barcelona ទល់នឹងក្លឹប Leganes ដែលនោះនឹងមានរយៈពេល 162 ថ្ងៃគិតចាប់តាំងពីរបួសបានកើតឡើង។ ចំនួនពេលវេលាកំណត់នេះ FIFA នឹងផ្តល់សំណងដល់ Barcelona ប្រហែល 2.75 លានអឺរ៉ូ។
ប្រភព: Dailysports
ទីបំផុត Bologna ទទួលបានពានរង្វាន់ធំជាលើកដំបូង ក្រោយពីរង់ចាំអស់ ៥១ឆ្នាំ
Ronaldo Jr បង្ហាញខ្លួនជាលើកដំបូងឱ្យក្រុមជម្រើសជាតិ ព័រទុយហ្គាល់
ស្វែងយល់ខ្លះៗអំពី Arkadag មុននឹងជួប ព្រះខ័នរាជស្វាយរៀងយប់នេះ
សហព័ន្ធប្រកាសពីការចាកចេញរបស់លោក Keisuke Honda ក្នុងតួនាទីជាគ្រូបង្វឹកក្រុមជម្រើសជាតិឈុតធំ
អាជ្ញាកណ្តាលកាត់សេចក្ដីរវាង PSG និង Dortmund បានយំ ក្រោយចប់ការប្រកួត! នេះជាមូលហេតុ ដ៏រំជួលចិត្ត
