បាល់ទាត់អន្តរជាតិ
កីឡាករ 5 រូបដែលគួរតែចាកចេញពីក្លឹបបច្ចុប្បន្នរបស់ខ្លួន ដើម្បីឲ្យទម្រង់លេងប្រសើរឡើងវិញ
យុទ្ធនាការឆ្នាំ 2021-22 ទើបតែនឹងបញ្ចប់ ដោយយើងបានឃើញកីឡាករជាច្រើនបានមានភាពលេចធ្លោរនៅក្លឹបរបស់ខ្លួន ខណៈពេលដែលមានកីឡាករមួយចំនួនកំពុងមានទម្រង់លេងធ្លាក់ចុះ និងមិនមានឱកាសចូលលេងផងដែរ។
ជាងនេះទៅទៀត មានកីឡាករជាច្រើននៅក្លឹបធំៗ បានចូលលេងតិចតួចបំផុតសម្រាប់ក្រុមរបស់ខ្លួន ដែលធ្វើឲ្យសមត្ថភាពរបស់ពួកគេកាន់តែធ្លាក់ចុះខ្លាំង។
ទាក់ទងនឹងរឿងនេះដែរ សូមក្រឡេកមើលកីឡាករចំនួន 5 នាក់នៅទូទាំងទ្វីបអឺរ៉ុប ដែលត្រូវការចាកចេញពីក្លឹបបច្ចុប្បន្នរបស់ពួកគេ ដើម្បីស្តារអាជីពបាល់ទាត់របស់ខ្លួនឲ្យប្រសើរឡើងវិញ។
5. Marco Asensio
នៅពេលដែល Cristiano Ronaldo បានចាកចេញនៅឆ្នាំ 2018 កីឡាករសញ្ជាតិអេស្ប៉ាញ Marco Asensio ត្រូវបានគេគិតថា នឹងអាចបំពេញចំណុចខ្វះខាតនៃការបាត់បង់ Cristiano Ronaldo បាន។ ប៉ុន្តែមួយរយៈចុងក្រោយនេះមានតែ Karim Benzema ម្នាក់ប៉ុណ្ណោះដែលមានទម្រង់លេងដ៏អស្ចារ្យ ខណៈដែល Vinicius Jr និង Rodrygo កំពុងឡើងជើងខ្លាំង។ វាជាហេតុធ្វើឲ្យ Marco Asensio កាន់តែបាត់បង់ឱកាសបង្ហាញសមត្ថភាពសម្រាប់ក្លឹប។
4. Clement Lenglet
ខ្សែការពារ Clement Lenglet បានមកដល់ Barcelona ដោយផ្ទេរពី Sevilla នៅរដូវក្តៅឆ្នាំ 2018។ បន្ទាប់ពីការផ្ទេរ Lenglet មានទម្រង់លេងដ៏លេចធ្លោរសម្រាប់ក្លឹប។ ប៉ុន្តែមួយរយៈចុងក្រោយនេះ គាត់មានទម្រង់លេងធ្លាក់ចុះខ្លាំង និងតែងតែបង្កកំហុសនៅក្នុងការប្រកួត។ គាត់កាន់តែអស់ឱកាសលេង ព្រោះក្លឹប Barcelona កំពុងព្យាយាមនាំយក Kalidou Koulibaly និង Jules Kounde។
3. Tanguy Ndombele
ក្លឹបមាន់ខ្នាយមាស Tottenham Hotspur បានឲ្យ Ndombele ខ្ចីជើងទៅកាន់ Olympique Lyon ហើយឥឡូវនេះគាត់នឹងត្រូវត្រឡប់មកក្លឹបចាស់វិញ ខណៈដែល Olympique Lyon មិនទិញផ្ដាច់កុងត្រារបស់គាត់ឡើយ។ Ndombele នឹងត្រូវប្រជែងតំណែងជាមួយខ្សែបម្រើជាច្រើននៅក្នុងក្លឹប Tottenham Hotspur ដែលសុទ្ធសឹងតែមានសមត្ថភាពល្អប្រសើរជាងគាត់។
2. Luka Jovic
ដំបូងឡើយ អ្នកគាំទ្រពិតជាមានការពេញចិត្តយ៉ាងខ្លាំងសម្រាប់វត្តមានរបស់ Luka Jovic ហើយរំពឹងទុកថា គាត់អាចក្លាយជាខ្សែប្រយុទ្ធដ៏លេចធ្លោរសម្រាប់ក្លឹប Real Madrid បន្ទាប់ពីការបង្ហាញសម្ថភាពរបស់គាត់បានល្អបំផុតជាមួយ Eintracht Frankfurt។
យ៉ាងណា អ្វីៗមិនដូចជាការរំពឹងទុកឡើយ ព្រោះក្លឹប Real Madrid នៅតែត្រូវប្រើប្រាស់ Karim Benzema ហើយ Luka Jovic បានចូលលេងតិចតួចបំផុត។ សមត្ថភាពរបស់គាត់គឺខុសគ្នាឆ្ងាយពី Benzema បើទោះបីជា Benzema មានវ័យចាស់ជាងគាត់រហូតដល់ 10 ឆ្នាំក៏ដោយ។
1. Aaron Wan-Bissaka
គិតមកទល់ពេលនេះ មានរយៈពេល 3 ឆ្នាំហើយចាប់តាំងពីក្លឹបបិសាចក្រហម Manchester United បានចំណាយប្រាក់ 50 លានផោន ដើម្បីផ្ទេរ Aaron Wan-Bissaka ពី Crystal Palace។ ដំបូងឡើយ Wan-Bissaka មានទម្រង់លេងលេចធ្លោរខ្លាំង បូករួមជាមួយល្បឿននៃការរត់របស់គាត់ដែលលេងតំណែងជាខ្សែការពារស្លាប។ ប៉ុន្តែរដូវកាលចុងក្រោយនេះ គាត់បានបង្ហាញខ្លួនតិចតួចបំផុត ហើយក្លឹបប្រើប្រាស់ Diogo Dalot ជំនួសវិញ។ វត្តមានគ្រូបង្វឹកថ្មីលោក Erik Ten Hag ក៏ពេញចិត្តនឹងប្រើប្រាស់ Diogo Dalot ក្នុងការដឹកនាំរបស់ខ្លួនដែរ។ ដូច្នេះ Aaron Wan-Bissaka គួរតែចាកចេញទៅក្លឹបផ្សេង ប្រសិនបើគាត់ចង់មានឱកាសលេងច្រើន។
ប្រភព: Aallfootballapp
-
បាល់ទាត់អន្តរជាតិ2 days ago
តោខៀវ Chelsea នឹងត្រូវបង្ខំចិត្តលក់ខ្សែបម្រើឆ្នើមមួយរូបនៅរដូវក្ដៅនេះ!!!
-
បាល់ទាត់អន្តរជាតិ2 days ago
Unai Emery ត្រៀមនាំយកអតីតកូនក្រុមមួយរូបរបស់ខ្លួនទៅកាន់ Aston Villa
-
បាល់ទាត់អន្តរជាតិ2 days ago
Barcelona ចង់លក់ខ្សែការពារឆ្នើមមួយរូប ដើម្បីជួយដល់សង្គ្រោះស្ថានភាពហិរញ្ញវត្ថុរបស់ក្លឹប