បាល់ទាត់អន្តរជាតិ
គ្រូថ្មីរបស់បិសាចក្រហម ចង់បានខ្សែការពារឆ្នើមម្នាក់ដែលកំពុងលេងនៅទឹកដីអ៊ីតាលី Serie A
ក្លឹបបិសាចក្រហម Manchester United កំពុងតាមដានយ៉ាងយកចិត្តទុកដាក់លើស្ថានភាពរបស់ខ្សែការពារឆ្វេង Theo Hernandez របស់ក្លឹប AC Milan ខណៈដែលគ្រូបង្វឹកថ្មីរបស់ក្លឹបគឺលោក Ruben Amorim កំពុងសម្លឹងមើលការពង្រឹងបន្ថែមនៅតំណែងការពារស្លាបជាអាទិភាពសំខាន់ជាងគេដែលត្រូវកែលម្អ (នេះបើយោងតាមប្រភពពី Sky Sports)។
យ៉ាងណាមិញ បិសាចក្រហមក៏មានកីឡាករម្នាក់ទៀតក្នុងចិត្តដែលពួកគេចង់បានដែរ គឺខ្សែការពារ Alphonso Davies របស់ក្លឹប Bayern Munich ប៉ុន្តែការចរចាដើមចុះហត្ថលេខាលើកីឡាករសញ្ជាតិកាណាដារូបនេះ ហាក់មានភាពស្មុគស្មាញ ហើយប្រហែលជាមិនអាចជោគជ័យបាននោះទេ។
កីឡាករសញ្ជាតិបារាំង Theo Hernandez បច្ចុប្បន្នមានវ័យ 27 ឆ្នាំ ត្រូវបានគេជាត់ទុកជាខ្សែការពារដ៏ឆ្នើមម្នាក់ក្នុងពិភពបាល់ទាត់ ហើយគេធ្លាប់ឈ្នះពានជាច្រើនក្នុងអាជីពរបស់ខ្លួនដោយរួមមានទាំង UEFA Champions League ជាមួយ Real Madrid និងពាន Serie A ជាមួយ AC Milan។ តាមពិតទៅ Theo Hernandez ត្រូវបានគេផ្សាភ្ជាប់ជាមួយនឹងការផ្ទេរទៅកាន់ទឹកដី Old Trafford ជាយូរមកហើយ ប៉ុន្តែលើកនេះបិសាចក្រហម កំពុងចង់បានគេកាន់តែខ្លាំង បន្ទាប់ពីបញ្ហារបួសជាញឹកញាប់របស់ Luke Shaw និង Tyrell Malacia។
ប្រភព: Yahoo Sports
ហេតុផលទាំង 4 ដែល FIFA មិនអនុញ្ញាតឱ្យកីឡាករមានក្លឹបច្រើននៅក្នុងដៃ
Manchester United កំពុងពិចារណាយកអ្នកចាំទីម្នាក់តម្លៃ ៧៥លានអឺរ៉ូ មកជំនួសកន្លែង Onana
ក្លឹបបាល់ទាត់នៅបារាំងដែល Mbappe ទើបតែទិញ កំពុងជួបបញ្ហាធ្ងន់ធ្ងរមិនធ្លាប់មាន
សហព័ន្ធប្រកាសពីការចាកចេញរបស់លោក Keisuke Honda ក្នុងតួនាទីជាគ្រូបង្វឹកក្រុមជម្រើសជាតិឈុតធំ
អាជ្ញាកណ្តាលកាត់សេចក្ដីរវាង PSG និង Dortmund បានយំ ក្រោយចប់ការប្រកួត! នេះជាមូលហេតុ ដ៏រំជួលចិត្ត
