បាល់ទាត់អន្តរជាតិ
Arsenal កំពុងតាមប្រមាញ់ខ្សែប្រយុទ្ធឆ្នើមម្នាក់នៅក្នុងក្របខណ្ឌ Serie A របស់អ៊ីតាលី
ក្លឹបកាំភ្លើងធំ Arsenal ត្រូវបានគេរាយការណ៍ថា បានបញ្ជូនអ្នកសង្កេតការណ៍របស់ខ្លួនឲ្យទៅមើលពីទម្រង់លេងរបស់ខ្សែប្រយុទ្ធរបស់ក្លឹប Atalanta BC គឺកីឡាករ Mateo Retegui ដែលក្នុងគោលបំណងនៃការត្រៀមដេញថ្លៃ ដើម្បីនាំយកកីឡាករសញ្ជាតិអ៊ីតាលីរូបនេះមកទឹកដី Premier League នាពេលឆាប់ៗខាងមុខ។
យ៉ាងណាមិញ ក្រុមរបស់លោក Mikel Arteta បច្ចុប្បន្នបានធ្លាក់ទៅឈរនៅក្នុងចំណាត់ថ្នាក់លេខ 4 ដែលមាន 9 ពិន្ទុតាមពីក្រោយក្រុមកំពូលតារាង Liverpool ដោយស្ទើរតែមានភាគរយទាបបំផុតក្នុងការអាចឈ្នះពានលីគបាន។ បន្ថែមលើសពីនេះទៀត ក្នុងចំណោមក្រុមទាំង 6 ដែលឈរនៅកំពូលតារាងរបស់ Premier League រដូវកាលនេះ មានតែ Arsenal ទេ ដែលមានស្ថិតិស៊ុតបញ្ចូលទីបានតិចជាងគេ។
ជាមួយនឹងស្ថានភាពនេះ Arsenal កំពុងស្វែងរកការចុះហត្ថលេខាលើខ្សែប្រយុទ្ធចំណូលថ្មីដែលមានគុណភាពម្នាក់ ហើយបើយោងតាមអ្នកកាសែត Maurizio Russo បានអះអាងថា Arsenal ចង់បាន Mateo Retegui ហើយបានបញ្ជូនអ្នកសង្កេតការណ៍របស់ខ្លួនឲ្យទៅមើលការប្រកួតរបស់ Retegui ដែលជាការប្រកួតរវាង Atalanta ទល់នឹងក្លឹប Young Boys កាលពីថ្ងៃពុធកន្លងទៅ។
ខ្សែប្រយុទ្ធវ័យ 25 ឆ្នាំរូបនេះប្រហែលជាមានតម្លៃថ្លៃគួរសម ខណៈដែល Atalanta បានចំណាយប្រាក់ទិញគេរហូតដល់ 22 លានអឺរ៉ូ (18.5 លានផោន) ពីក្លឹប Genoa កាលពីដើមរដូវកាលកន្លងទៅ។ រដូវកាលនេះ Mateo Retegui មានទម្រង់លេងកាន់តែលេចធ្លោរដោយបង្ហាញខ្លួនបាន 13 ប្រកួតនៅក្របខណ្ឌ Serie A ហើយស៊ុតបញ្ចូលទីបានរហូតដល់ 12 គ្រាប់។
ប្រភព: Sportsmole
ចែករំលែកក្ដីស្រលាញ់ តាមរយៈការប្រកួតបាល់ទាត់សប្បុរសធម៌ អង្គការផ្កាយសមុទ្រ ២០២៥
Amorim ថាមិនបារម្ភអំពីអនាគតរបស់ខ្លួននៅ Man U ឡើយ
Liverpool បិទគណនីអ្នកទិញសំបុត្រជាង 14ម៉ឺនគណនី
សហព័ន្ធប្រកាសពីការចាកចេញរបស់លោក Keisuke Honda ក្នុងតួនាទីជាគ្រូបង្វឹកក្រុមជម្រើសជាតិឈុតធំ
អាជ្ញាកណ្តាលកាត់សេចក្ដីរវាង PSG និង Dortmund បានយំ ក្រោយចប់ការប្រកួត! នេះជាមូលហេតុ ដ៏រំជួលចិត្ត
