បាល់ទាត់អន្តរជាតិ
Chelsea ចង់ចុះដូរ Nkunku ជាមួយខ្សែប្រយុទ្ធឆ្នើមមួយរូបរបស់ក្លឹប PSG
ក្លឹបតោខៀវ Chelsea ត្រូវបានគេរាយការណ៍ថា បានត្រៀមផ្ដល់សំណើរនៃការដោះដូរខ្សែប្រយុទ្ធ Christopher Nkunku របស់ខ្លួន ដើម្បីយកកីឡាករមួយរូបរបស់ PSG។ យ៉ាងណាមិញ កីឡាករសញ្ជាតិបារាំងរូបនេះត្រូវបានតោខៀវ Chelsea ចាត់ទុកថា នឹងក្លាយជាបេក្ខភាពសំខាន់ដែលជាអ្នកស៊ុតបាល់បញ្ចូលទីដ៏សំខាន់របស់ក្លឹបនាពេលអនាគត ប៉ុន្តែអ្វីៗមិនដូចការរំពឹងទុកឡើយ ខណៈដែលនៅរដូវកាលថ្មីនេះគាត់រកបានគ្រាប់បាល់តែ 1 គ្រាប់ប៉ុណ្ណោះ ក្នុងការបង្ហាញខ្លួនសរុប 12 ប្រកួត ក្នុងក្របខ័ណ្ឌ Premier League។
ទន្ទឹមនឹងនេះដែរ Christopher Nkunku ក៏មិនមែនជាកីឡាករដែលលោក Enzo Maresca ចាត់ទុកជាបេក្ខភាពសំខាន់របស់ក្លឹបផងដែរ។ ខ្សែប្រយុទ្ធដែលគ្រូបង្វឹករូបនេះតែងប្រើប្រាស់គឺ Nicolas Jackson ដែលជាកីឡាករមានទម្រង់លេងល្អប្រសើរជាង Nkunku និងតែងតែរកបានគ្រាប់បាល់ជាបន្តបន្ទាប់ នៅមួយរយៈចុងក្រោយនេះ។
យោងតាមកាសែត The Sun បានអះអាងថា Christopher Nkunku អាចនឹងចាកចេញពីទឹកដី Stamford Bridge។ ដោយឡែក PSG គឺជាក្លឹបមួយក្នុងចំណោមក្លឹបដែលត្រូវបានគេគិតថា នឹងផ្ដល់ច្រកផ្លូវឲ្យ Nkunku អាចចាកចេញពីទឹកដីអង់គ្លេសបាន។ យ៉ាងណា ជាមួយនឹងឱកាសនេះដែរ Chelsea ចង់ស្នើដោះដូរគេជាមួយ Kolo Muani ដែលខ្សែប្រយុទ្ធរូបនេះបច្ចុប្បន្នក៏មិនសូវមានឱកាសលេងច្រើនដែរ នៅក្រោមការដឹកនាំរបស់លោក Luis Enrique។
ប្រភព: Sportsmole
ចែករំលែកក្ដីស្រលាញ់ តាមរយៈការប្រកួតបាល់ទាត់សប្បុរសធម៌ អង្គការផ្កាយសមុទ្រ ២០២៥
Amorim ថាមិនបារម្ភអំពីអនាគតរបស់ខ្លួននៅ Man U ឡើយ
Liverpool បិទគណនីអ្នកទិញសំបុត្រជាង 14ម៉ឺនគណនី
សហព័ន្ធប្រកាសពីការចាកចេញរបស់លោក Keisuke Honda ក្នុងតួនាទីជាគ្រូបង្វឹកក្រុមជម្រើសជាតិឈុតធំ
អាជ្ញាកណ្តាលកាត់សេចក្ដីរវាង PSG និង Dortmund បានយំ ក្រោយចប់ការប្រកួត! នេះជាមូលហេតុ ដ៏រំជួលចិត្ត
