បាល់ទាត់អន្តរជាតិ
ចប់បាត់! ទម្រង់លេងកំពុងតែយ៉ាប់ផង ពេលនេះ Mykhailo Mudryk ត្រូវបានគេរកឃើញថា បានប្រើប្រាស់សារធាតុហាមឃាត់
នៅថ្ងៃទី 17 ខែធ្នូ ម្សិលមិញនេះក្លឹបតោខៀវ Chelsea បានបញ្ជាក់ជាផ្លូវការណ៍ថា ខ្សែប្រយុទ្ធស្លាប Mykhailo Mudryk បានធ្វើតេស្តវិជ្ជមាន ចំពោះការប្រើប្រាស់សារធាតុដែលត្រូវបានហាមឃាត់។ យ៉ាងណាមិញសម្រាប់សារធាតុដែលត្រូវបានគេរកឃើញនៅក្នុងខ្លួនរបស់ Mykhailo Mudryk មានឈ្មោះថា Meldonium។
វាជាសារធាតុម្យ៉ាងដូចជាថ្នាំព្យាបាលជម្ងឺបេះដូង ដែលមានវត្តមាននៅលើផែនដីតាំងពីឆ្នាំ 1970។ Meldonium អាចជួយបង្កើនសមត្ថភាពនៃការរំលាយអាហារ និងលំហូរឈាមឲ្យកាន់តែល្អប្រសើរនៅលើរាងកាយ ហើយក៏ជួយបន្ថែមសមត្ថភាពធ្វើលំហាត់ប្រាណរបស់កីឡាករបាល់ទាត់ រឺអត្តពលិកឲ្យកាន់តែល្អប្រសើរមួយកម្រិតទៀត។ ទោះជាយ៉ាងណា Meldonium ជាថ្នាំដែលបង្កើនសមត្ថភាពរាងកាយ ដែលត្រូវបានបញ្ចូលទៅក្នុងបញ្ជីថ្នាំហាមឃាត់របស់ទីភ្នាក់ងារប្រឆាំងសារធាតុញៀនពិភពលោក កាលពីថ្ងៃទី 1 ខែមករា ឆ្នាំ 2016។
ដោយឡែក Mykhailo Mudryk ពេលនេះកំពុងប្រឈមមុខនឹងការព្យួរប្រកួតរយៈពេលយូរពីបាល់ទាត់ ដែលមានប្រភពខ្លះបានអះអាងថា គាត់អាចនឹងត្រូវហាមឃាត់មិនឲ្យលេងបាល់ទាត់រហូតដល់ 4 ឆ្នាំ។ ទោះជាយ៉ាងណាក៏ដោយខ្សែប្រយុទ្ធសញ្ជាតិអ៊ុយក្រែនរូបនេះ បានប្តេជ្ញាតស៊ូដើម្បីអាជីពបាល់ទាត់របស់គាត់ ដោយត្រៀមតវ៉ាតាមផ្លូវច្បាប់ ដើម្បីយកឈ្នះការចោទប្រកាន់នេះ។
ប្រភព: Dailysports
ចែករំលែកក្ដីស្រលាញ់ តាមរយៈការប្រកួតបាល់ទាត់សប្បុរសធម៌ អង្គការផ្កាយសមុទ្រ ២០២៥
Amorim ថាមិនបារម្ភអំពីអនាគតរបស់ខ្លួននៅ Man U ឡើយ
Liverpool បិទគណនីអ្នកទិញសំបុត្រជាង 14ម៉ឺនគណនី
សហព័ន្ធប្រកាសពីការចាកចេញរបស់លោក Keisuke Honda ក្នុងតួនាទីជាគ្រូបង្វឹកក្រុមជម្រើសជាតិឈុតធំ
អាជ្ញាកណ្តាលកាត់សេចក្ដីរវាង PSG និង Dortmund បានយំ ក្រោយចប់ការប្រកួត! នេះជាមូលហេតុ ដ៏រំជួលចិត្ត
