បាល់ទាត់អន្តរជាតិ
Atletico Madrid កំពុងពិចារណាចុះហត្ថលេខាលើ Axel Witsel
របាយការណ៍ច្បាស់ការណ៍មួយពីលោក Fabrizio Romano បានឲ្យដឹងថា ពេលនេះក្លឹប Atletico Madrid កំពុងដំណើរការជិតបានសម្រេចក្នុងកិច្ចពិភាក្សា ដើម្បីចុះហត្ថលេខាលើខ្សែបម្រើ Axel Witsel ជាមួយនឹងការផ្ទេរដោយគ្មានតម្លៃខ្លួន។
បច្ចុប្បន្ន Axel Witsel បានផុតកុងត្រាជាមួយ Borussia Dortmund ហើយកំពុងត្រូវបាន Marseille និង Atletico Madrid មានចំណាប់អារម្មណ៍ខ្លាំង ព្រោះពួកគេអាចទទួលបានខ្សែបម្រើដ៏ល្អម្នាក់ ដោយមិនចាំបាច់ចំណាយលុយទិញផ្ដាច់កុងត្រា។
ដោយឡែក ការចរចារបស់ Marseille ជាមួយ Axel Witsel គឺពួកគេបានអះអាងលើការផ្តល់កុងត្រារយៈពេលពីរឆ្នាំសម្រាប់កីឡាករសញ្ជាតិប៊ែលហ្ស៊ិករូបនេះ និងប្រាក់ខែ 4 លានអឺរ៉ូ ក្នុងមួយឆ្នាំ។ Axel Witsel នឹងត្រូវធ្វើការសម្រេចចិត្តជ្រើសរើសរវាងការទៅកាន់ទឹកដីអេស្ប៉ាញ និងបារាំង។
គួរដឹងផងដែរថា Axel Witsel ដែលបច្ចុប្បន្នមានវ័យ 33 ឆ្នាំ លេងឲ្យក្រុមជម្រើសជាតិប៊ែលហ្ស៊ិកបាន 124 ប្រកួត ស៊ុតបញ្ចូលទីបាន 12 គ្រាប់។ គាត់បានជាប់ជម្រើសជាតិឈុតធំតាំងពីឆ្នាំ 2008 រហូតដល់បច្ចុប្បន្ន។
ប្រភព: Getfootballnewsfrance
ក្លឹបបាល់ទាត់នៅបារាំងដែល Mbappe ទើបតែទិញ កំពុងជួបបញ្ហាធ្ងន់ធ្ងរមិនធ្លាប់មាន
គ្រូបង្វឹករបស់ បាសេឡូណា សម្រេចលុបចោលការប្រារព្ធពិធីជ័យជម្នះ Copa del Rey ទោះមិនទាន់បានលេងក៏ដោយ
ទីបំផុតរកឃើញក្រុមដែលឡើងទៅវគ្គពាក់កណ្តាលផ្តាច់ព្រ័ត្រពានរង្វាន់ UCL ហើយ
សហព័ន្ធប្រកាសពីការចាកចេញរបស់លោក Keisuke Honda ក្នុងតួនាទីជាគ្រូបង្វឹកក្រុមជម្រើសជាតិឈុតធំ
អាជ្ញាកណ្តាលកាត់សេចក្ដីរវាង PSG និង Dortmund បានយំ ក្រោយចប់ការប្រកួត! នេះជាមូលហេតុ ដ៏រំជួលចិត្ត
