បាល់ទាត់អន្តរជាតិ
ទម្លាយភាពស្ងៀមស្ងាត់! Cristiano Ronaldo បញ្ជាក់ច្បាស់ៗថា៖ «ពាន Ballon d’Or 2024 គឺអយុត្តិធម៌»
នៅថ្ងៃសុក្រទី 27 កាលពីម្សិលមិញ គឺជាពិធីប្រគល់ពានរង្វាន់ Globe Soccer ឆ្នាំ 2024។ ខ្សែប្រយុទ្ធឆ្នើម Cristiano Ronaldo ដែលបានចូលរួមក្នុងព្រឹត្តិការណ៍នោះបានបញ្ចេញមតិយោបល់ផ្ទាល់ខ្លួនរបស់គាត់អំពីកីឡាករដែលស័ក្តិសមនឹងឈ្នះ Ballon d’Or តែបែរជាមិនត្រូវបានឈ្នះទៅវិញ។
យោងតាមអ្វីដែលជាការលើកឡើងរបស់តារាឆ្នើមសញ្ជាតិព័រទុយហ្គាល់ Cristiano Ronaldo បានឲ្យដឹងថា ពានរង្វាន់ Ballon d’Or ឆ្នាំ 2024 គួរតែបានទៅលើខ្សែប្រយុទ្ធស្លាបរបស់ក្លឹប Real Madrid គឺកីឡាករ Vinicius Jr ប៉ុន្តែជាក់ស្ដែង អ្នកដែលឈ្នះបែរជាអ្នកផ្សេង ហើយលទ្ធផលនោះគឺពិតជាអយុត្តិធម៌។
Cristiano Ronaldo បាននិយាយថា៖ «បើតាមគំនិតរបស់ខ្ញុំ Vinicius Jr គួរតែឈ្នះ Ballon d’Or ឆ្នាំនេះ។ វាពិតជាអយុត្តិធម៌។ ដូច្នេះហើយបានជាមូលហេតុដែលខ្ញុំចូលចិត្តពាន Globe Soccer Awards ព្រោះពួកគេធ្វើឡើងដោយមានតម្លាភាពពិតប្រាកដ»។
សូមរំលឹកផងដែរថា ពាន Ballon d’Or ឆ្នាំ 2024 ត្រូវបានឈ្នះដោយខ្សែបម្រើ Rodri របស់ក្លឹបមេឃខៀវ Manchester City។ ទោះជាយ៉ាងណាក៏ដោយបន្តពីនោះមកមានការរិះគន់ជាច្រើន ក៏ដូចជារឿងអាស្រូវពាក់ព័ន្ធនឹងភាពមិនប្រក្រតី ដែលមជ្ឈដ្ឋានបាល់ទាត់គិតថា អ្នកឈ្នះពាននោះគួរតែជា Vinicius Jr។
ប្រភព: Dailysports
Wow 🤩 ក្រុមបាល់ទាត់ហ្វូតសាលកម្ពុជានៅជប៉ុន🇰🇭🇯🇵 បានចូលរួមក្នុងកម្មវិធី Go Japan Spring Cup 2026 ៕
X-SPORT រីករាយក្នុងការចូលរួមជាផ្នែកមួយជួយផ្សព្វផ្សាយពីកម្មវិធីនេះ…❤️🥰
ចែករំលែកក្ដីស្រលាញ់ តាមរយៈការប្រកួតបាល់ទាត់សប្បុរសធម៌ អង្គការផ្កាយសមុទ្រ ២០២៥
សហព័ន្ធប្រកាសពីការចាកចេញរបស់លោក Keisuke Honda ក្នុងតួនាទីជាគ្រូបង្វឹកក្រុមជម្រើសជាតិឈុតធំ
អាជ្ញាកណ្តាលកាត់សេចក្ដីរវាង PSG និង Dortmund បានយំ ក្រោយចប់ការប្រកួត! នេះជាមូលហេតុ ដ៏រំជួលចិត្ត
