Carlo Ancelotti ត្រូវ​បាន​ទាក់ទង​ដោយ​ក្លឹប​ធំ​មួយ​នៅ​ទឹកដី​អ៊ីតាលី

លោក Carlo Ancelotti កំពុង​ស្ថិត​ក្រោម​កុងត្រា​ជាមួយ Real Madrid រហូត​ដល់​ខែ​មិថុនា ឆ្នាំ 2026 ប៉ុន្តែ​ពាក្យ​ចចាម​អារ៉ាម​​ថ្មីៗ​នេះ បាន​បង្ហាញ​ថា គាត់​អាច​នឹង​ចាកចេញ​ពី​ក្លឹប​បច្ចុប្បន្ន​របស់​ខ្លួន​នៅ​មុន​ពេល​នៃ​កុងត្រា​ផុត​កំណត់។ យ៉ាង​ណា​មិញ​ក្លឹប AS Roma ត្រូវ​បាន​គេ​រាយការណ៍​ថា បាន​ចាប់​អារម្មណ៍​លើ​គ្រូ​បង្វឹក​សញ្ជាតិ​អ៊ីតាលី​រូប​នេះ។

ធ្លាប់​មាន​ការ​រំពឹង​ទុក​ថា Real Madrid អាច​នឹង​នាំយក Zinedine Zidane ត្រឡប់​មក​ដឹកនាំ​វិញ។ ទោះបី​ជា​យ៉ាង​ណា​ក៏​ដោយ​លោក Carlo Ancelotti បច្ចុប្បន្ន​មិន​មាន​ការ​​ប្រឈម​មុខ​នឹង​សម្ពាធ​នោះ​ទេ​ក្នុង​កា​ដឹកនាំ​ក្រុម​ដ៏​ល្អ​នៅ​រដូវកាល 2024/2025។ ដូចគ្នា​នេះ​ដែរ ក៏​គ្មាន​ហេតុផល​ណា​មួយ​ដែល Real Madrid ត្រូវ​ចែក​ផ្លូវគ្នា​ជាមួយ Carlo Ancelotti នោះ​ឡើយ។

គួរ​រំលឹក​ផង​ដែរ​ថា លោក Carlo Ancelotti បាន​ក្លាយ​ជា​គ្រូ​បង្វឹក​របស់​ក្លឹប Real Madrid ដែល​បានឈ្នះពាន​រង្វាន់​សរុប​ចំនួន 15 ដោយ​ធ្វើ​ឲ្យ​គាត់​ក្លាយ​ជា​គ្រូ​បង្វឹក​មាន​កំណត់​ត្រា​ឈ្នះពាន​ច្រើន​ជាង​គេ​របស់​ក្លឹប។

ប្រភព: Dailysports