បាល់ទាត់អន្តរជាតិ
Man City ចង់បានខ្សែប្រយុទ្ធសំខាន់ម្នាក់របស់ Barcelona

ការតស៊ូដ៏លំបាករបស់ Manchester City ក្នុងការប្រកួតប្រជែងនានាក្នុងរដូវកាលនេះ បានបង្ខំឲ្យក្លឹបព្យាយាមស្វែងរកកីឡាករចំណូលថ្មីបន្ថែមទៀត ហើយលោក Pep Guardiola ក៏បានកំណត់គោលដៅលើកីឡាករដែលគាត់ចង់នាំយកមករួចហើយផងដែរ។
យោងតាមសារព័ត៌មាន El Nacional បានឲ្យដឹងថា ក្លឹបមេឃខៀវ Manchester City កំពុងកំណត់គោលដៅលើតារាឆ្នើមមួយរូប ដែលជាកីឡាករដ៏សំខាន់របស់ Barcelona គឺខ្សែប្រយុទ្ធ Raphinha។ ទោះជាយ៉ាងណាក៏ដោយ ការផ្ទេរនេះនឹងមានការលំបាក រួមទាំងឧបសគ្គខ្លាំង ព្រោះថា បច្ចុប្បន្ន Raphinha ជាកីឡាករដ៏សំខាន់របស់ក្លឹប។
មិនតែប៉ុណ្ណោះ គេបានដឹងថា ប្រសិនបើ Barcelona ព្រមចែកផ្លូវគ្នាជាមួយ Raphinha ក៏ពួកគេត្រូវការតម្លៃផ្ទេរចាប់ពី 100 លានអឺរ៉ូ ឡើងទៅដែរ សម្រាប់ខ្សែប្រយុទ្ធសញ្ជាតិប្រេស៊ីលរូបនេះ។ ទន្ទឹមនឹងនេះដែរ Raphinha ខ្លួនឯងផ្ទាល់ ក៏សប្បាយចិត្តនឹងបន្តនៅ Barcelona ដែរ ហើយមិនទាន់មានគម្រោងចាកចេញនោះឡើយ។ កីឡាករវ័យ 28 ឆ្នាំរូបនេះ កំពុងស្ថិតក្នុងដំណើរជោគជ័យនៅ Barcelona ដោយនៅរដូវកាលនេះ គាត់ស៊ុតបញ្ចូលទីបាន 20 គ្រាប់ និងបញ្ជូនបាល់ឲ្យមិត្តរួមក្រុមបាន 11 ដង ក្នុងការបង្ហាញខ្លួនសរុប 29 ប្រកួត។
ប្រភព: Dailysports