បាល់ទាត់អន្តរជាតិ
Inaki Pena អាចនឹងសម្រេចចិត្តចាកចេញពី Barcelona ប្រសិនបើមិនសូវមានឱកាសលេងច្រើនដូចមុន
ការបែងចែកជម្រើសអ្នកចាំទីជម្រើសទី 1 របស់ក្លឹប Barcelona កាន់តែមានភាពតានតឹងនាពេលថ្មីៗចុងក្រោយនេះ ដោយសារតែគ្រូបង្វឹកបានបង្ហាញពីការជឿជាក់កាន់តែខ្លាំងទៅលើសមត្ថភាពរបស់អ្នកចាំទីចំណូលថ្មី Wojciech Szczesny ហើយធ្វើឲ្យអ្នកចាំទីដែលប្រសូត្រចេញពីយុវជនថ្នាលរបស់ក្លឹប Inaki Pena ហាក់មានការអាក់អន់ស្រពន់ចិត្ត។
យោងតាមការចុះផ្សាយរបស់វិទ្យុ Catalunya បានឲ្យដឹងថា Inaki Pena មានការខកចិត្តជាមួយនឹងការដើរតួ ត្រឹមតែជាកីឡាករបម្រុងរបស់ក្រុម។ អ្នកចាំទីរូបនេះ ក៏មិនពេញចិត្តនឹងរបៀបដែលលោក Hansi Flick អត្ថាធិប្បាយនៅក្នុងសន្និសីទសារព័ត៌មាន បន្ទាប់ពីការប្រកួតដែល Barcelona បានទទួលជ័យជម្នះ 7-1 ទៅលើក្លឹប Valencia ផងដែរ។
ប្រសិនបើស្ថានភាពបច្ចុប្បន្ន មិនមានការផ្លាស់ប្តូរទេ Inaki Pena នឹងពិចារណាចាកចេញពី Barcelona នៅរដូវក្តៅខាងមុខ។ ទន្ទឹមនឹងនេះដែរ ក្លឹបអាចនឹងត្រូវបង្ខំចិត្តលក់គាត់ ខណៈដែលកុងត្រារបស់ Inaki Pena ក៏នឹងផុតកំណត់ក្នុងរយៈពេលត្រឹមតែ 1 ឆ្នាំកន្លះទៀតប៉ុណ្ណោះ។
ប្រភព: Dailysports
ចែករំលែកក្ដីស្រលាញ់ តាមរយៈការប្រកួតបាល់ទាត់សប្បុរសធម៌ អង្គការផ្កាយសមុទ្រ ២០២៥
Amorim ថាមិនបារម្ភអំពីអនាគតរបស់ខ្លួននៅ Man U ឡើយ
Liverpool បិទគណនីអ្នកទិញសំបុត្រជាង 14ម៉ឺនគណនី
សហព័ន្ធប្រកាសពីការចាកចេញរបស់លោក Keisuke Honda ក្នុងតួនាទីជាគ្រូបង្វឹកក្រុមជម្រើសជាតិឈុតធំ
អាជ្ញាកណ្តាលកាត់សេចក្ដីរវាង PSG និង Dortmund បានយំ ក្រោយចប់ការប្រកួត! នេះជាមូលហេតុ ដ៏រំជួលចិត្ត
