មកដឹងខ្លះៗអំពី Xabi Alonso កាលនៅជាកីឡាកររបស់ Real Madrid

Real Madrid បានស្វាគមន៍គ្រូបង្វឹកថ្មី គឺលោក Xabi Alonso ដែលជាអតីកីឡាកររបស់ខ្លួន ធ្លាប់ទទួលបានជោគជ័យយ៉ាងត្រចះត្រចង់នៅទីនោះផងដែរ។ Xabi Alonso គឺជាអតីតកីឡាករបាល់ទាត់អេស្ប៉ាញដ៏ល្បីល្បាញ ដែលបានលេងឱ្យក្លឹប Real Madrid ពីឆ្នាំ ២០០៩ ដល់ ២០១៤។ ក្នុងអំឡុងពេលនៅ Real Madrid គាត់បានបង្ហាញខ្លួនសរុប ១៥៨ ប្រកួតក្នុងក្របខ័ណ្ឌ La Liga។

Alonso បានចូលរួមជាមួយ Real Madrid ពីក្លឹប Liverpool ក្នុងឆ្នាំ ២០០៩ ក្នុងតម្លៃផ្ទេរប្រមាណ ៣០ លានផោន។ គាត់លេងជាខ្សែបម្រើកណ្តាល (defensive midfielder) ដែលត្រូវបានគេស្គាល់ដោយសារការបញ្ជូនបាល់ច្បាស់លាស់ វៀងវៃនៅក្នុងទីលាន និងសមត្ថភាពក្នុងការគ្រប់គ្រងចង្វាក់ប្រកួត។ គាត់បានក្លាយជាកីឡាករសំខាន់ក្រោមការដឹកនាំរបស់គ្រូបង្វឹកជាច្រើន ជាពិសេស José Mourinho និង Carlo Ancelotti។ ក្នុងរយៈពេល ៥ ឆ្នាំនៅ Real Madrid លោក Xabi Alonso បានជួយក្លឹបឈ្នះពានរង្វាន់ជាច្រើន រួមមាន៖
– UEFA Champions League: ១ ដង (២០១៣-១៤) ដែល Real Madrid បានឈ្នះពាន “La Décima” (ពានទី១០) ដោយយកឈ្នះ Atlético Madrid ក្នុងវគ្គផ្តាច់ព្រ័ត្រ
– La Liga: ១ ដង (២០១១-១២)
– Copa del Rey: ២ ដង
– Spanish Super Cup: ១ ដង
– UEFA Super Cup: ១ ដង

Alonso មិនត្រឹមតែរួមចំណែកតាមរយៈគ្រាប់បាល់ ឬ assist ប៉ុណ្ណោះទេ ប៉ុន្តែគាត់ជា board បញ្ជាកណ្តាលនៃការលេងបាល់របស់ Real Madrid។ គាត់បានជួយរៀបចំការបម្រើបាល់ឱ្យកីឡាករដូចជា Cristiano Ronaldo និង Ángel Di María ព្រមទាំងផ្តល់តុល្យភាពការពារនៅតំបន់ខ្សែបម្រើ។ ការបញ្ជូនបាល់វែងរបស់គាត់ និងសមត្ថភាពក្តោបស្ថានការណ៍ប្រកួតបានធ្វើឱ្យគាត់ក្លាយជាកីឡាករដែលមិនអាចខ្វះបាន។

Xabi Alonso ត្រូវបានគេចាត់ទុកជាកីឡាករខ្សែបម្រើដ៏ឆ្នើមបំផុតម្នាក់នៅ Real Madrid។ បន្ទាប់ពីចាកចេញពី Real Madrid ក្នុងឆ្នាំ ២០១៤ ទៅ Bayern Munich គាត់បានបញ្ចប់អាជីពកីឡាករនៅឆ្នាំ ២០១៧ និងបន្តក្លាយជាគ្រូបង្វឹកជោគជ័យ ដឹកនាំក្លឹប Bayer Leverkusen ឈ្នះពាន Bundesliga នៅឆ្នាំ ២០២៣-២៤។