FIFA អនុញ្ញាត​ឲ្យ​កីឡាករ​សរុប​ក្នុង​មួយ​ក្រុម​មាន​ចំនួន​ដល់ 26 នាក់ សម្រាប់​ការ​ប្រកួត World Cup ឆ្នាំ 2022 នេះ!!!

កាល​ពី​ពេល​ថ្មីៗ​នេះ FIFA បាន​ចេញ​សេចក្ដី​ប្រកាស​ថ្មី​​មួយ​បញ្ជាក់​​ថា ក្រុម​ជម្រើស​ជាតិ​មួយ​ក្រុម នឹង​​អាច​នាំ​យក​កីឡាករ 26 នាក់​ទៅ​លេង World Cup នៅ​ប្រទេស​កាតា​នៅ​ចុង​ឆ្នាំ​នេះ ខណៈ​ដែល​ពី​មុន​អនុញ្ញាត​ឲ្យ​មាន​កីឡាករ​ត្រឹមតែ 23 នាក់​ប៉ុណ្ណោះ។

ការ​ប្រកួត​ពានរង្វាន់​បាល់ទាត់​ពិភព​លោក​នៅ​ប្រទេស​កាតា នឹង​ធ្វើឡើង​ក្នុង​​រដូវរងារ ដែល​​ចាប់​ផ្ដើម​ពី​ថ្ងៃទី 21 ខែវិច្ឆិកាដល់​ថ្ងៃទី 18 ខែធ្នូឆ្នាំ 2022។

FIFA បាន​សម្រេច​ឲ្យ​មាន​ការ​បន្ថែម​ចំនួន​កីឡាករ​នៅ​ក្នុង​ក្រុម ដែល​មាន​យ៉ាង​តិច 23 នាក់ យ៉ាង​ច្រើន 26 នាក់​ដែល​ត្រូវ​បាន​ចុះ​ក្នុងបញ្ជី​ចុងក្រោយ គឺ​ថ្ងៃទី 13 ខែវិច្ឆិកា ឆ្នាំ 2022។ ក្រុម​ជម្រើស​ជាតិ​នីមួយៗ​អាច​កោះ​ហៅ​កីឡាករ​បាន 26 នាក់ ពោល​គឺ​មិន​លើស​ពី​ចំនួន​នេះ​ឡើយ។

ប្រភព: 90 Min