Tottenham Hotspur ត្រៀម​ផ្ទេរ​កីឡាករ​សញ្ជាតិ​អ៊ីតាលី Nicolo Zaniolo

ក្លឹប​មាន់ខ្នាយមាស Tottenham Hotspur បាន​ពិភាក្សា​ជាមួយ​ក្លឹប Roma ជុំវិញ​ការ​ចុះហត្ថ​លេខា​ជាមួយ​ Nicolo Zaniolo (របាយការណ៍​ពី 90min.com)។ ក្លឹប​មាន់ខ្នាយ​មាស កំពុង​ព្យាយាម​ស្វែងរក​កីឡាករ​សំខាន់ៗ​ដែល​មាន​សក្ដានុពល សម្រាប់​ការ​ប្រកួត​ប្រជែង​ក្របខណ្ឌ Champions League រដូវកាល​ថ្មី​នេះ។

Tottenham Hotspur បាន​ដាក់​គោលការណ៍​​ចំណាយ​ប្រាក់ 150 លានផោន​នៅ​រដូវក្តៅ​នេះ ដើម្បី​នាំ​យក​កីឡាករ​ចំណូល​ថ្មី។ យ៉ាង​ណា​ពួក​គេ​បាន​ចុះហត្ថលេខា​លើ Ivan Perisic, Fraser Forster និង Yves Bissouma ហើយ​កំពុង​សម្លឹង​មើល​ការ​ផ្ទេរ​ពីរបី​នាក់​បន្ថែម​ទៀត។

ក្លឹប​មាន់ខ្នាយមាស បាន​ពិភាក្សា​គ្នា​កាល​ពី​ដើម​សប្តាហ៍​នេះ​ជាមួយ​ក្លឹប Roma ជុំវិញ​ការ​ផ្ទេរ Nicolo Zaniolo ដែល​ជា​កីឡាករ​ដែល​ពួក​គេ​ពេញ​ចិត្ត​ខ្លាំង ព្រោះ​ខ្សែ​បម្រើ​សញ្ជាតិ​អ៊ីតាលី​រូប​នេះ អាច​លេង​បាន​ស្ទើរ​គ្រប់​តំណែង ទាំង​បម្រើ​ប្រយុទ្ធ, ប្រយុទ្ធ​ស្លាប និង​ប្រយុទ្ធ​ទោល​ខាង​លើ។

លើស​ពី​នេះ​ទៅ​ទៀត Tottenham Hotspur កំពុង​ដំណើរ​ការ​លើ​ការ​ផ្ទេរ​កីឡាករ​ប្រេស៊ីល​ទាំង​បី​រូប​ដែល​មាន​ដូច​ជា Gabriel Jesus, Richarlison និង Raphinha ផង​ដែរ។

ប្រភព: 90 Min