Connect with us

បាល់ទាត់អន្តរជាតិ

កីឡាករ 10 រូប ដែល​ទាត់​បាល់​ប៉េណាល់ទី​បាន​ល្អ​បំផុតក្នុង​ប្រវត្តិសាស្ត្រ​បាល់ទាត់!!!

Published

on

ពេល​វេលា​ដ៏​តានតឹង​បំផុត​ក្នុង​ពិភព​បាល់ទាត់ គឺ​ការ​ស៊ុត​បាល់​ប៉េណាល់ទី ទោះ​បី​​វា​ជារឿង​ងាយ​ស្រួល​មែន ប៉ុន្តែ​មិន​មែន​កីឡាករ​កំពូលៗ​ជា​ច្រើន​សុទ្ធ​តែ​អាច​ធ្វើ​បាន​នោះ​ទេ។ ការ​ទាត់បាល់​ប៉េណាល់​ទី ជា​ឱកាស​ដ៏​ល្អ​កម្រ​រក​បាន ហើយ​មាន​ភាព​ងាយ​ស្រួច​បំផុត ប៉ុន្តែ​​អ្នក​ទាត់​បាល់​ប៉េណាល់ទី​ពិត​ជា​មាន​សម្ពាធ​ខ្លាំង​ផង​ដែរ។

កីឡាករ​ខ្លះ​ត្រូវ​បាន​អ្នក​គាំទ្រ​ខឹង​សម្បារ និង​ចងចាំ​នូវ​ការ​បង្ករ​កំហុស​ដោយ​ទាត់​បាល់​ប៉េណាល់ទី​មិន​ចូល ហើយ​ធ្វើ​ឲ្យ​ក្រុម​របស់​ខ្លួន​ត្រូវ​ចាញ់​គូ​ប្រកួត។ ប៉ុន្តែ​ទន្ទឹម​នឹង​នេះ​ដែរ ក៏មាន​កីឡាករ​មួយ​ចំនួន​ពិត​ជា​មានជំនាញ​ក្នុង​ការ​ទាត់បាល់​បែប​នេះ។ ដូច្នេះ​ខ្ញុំ​សូមណែនាំ​អ្នក​ទាំង​អស់​គ្នា​ឲ្យ​ស្គាល់​កំពូល​កីឡាករ​ដែល​ទាត់​បាល់​ពិន័យបាន​ល្អ​បំផុត​ទាំង 10 រូប​ក្នុង​ប្រវត្តិសាស្ត្រ​បាល់ទាត់។

10. Andrea Pirlo

Pirlo គឺ​ជា​អ្នក​ស៊ុតបាល់ប៉េណាល់ទី​ដំបូង​របស់​អ៊ីតាលី ក្នុង​ការ​ប្រកួត​វគ្គផ្តាច់ព្រ័ត្រ FIFA World Cup ឆ្នាំ 2006 ទល់​នឹង​បារាំង ហើយ​គាត់​បាន​ជួយ​ប្រទេស​របស់​ខ្លួន​ឲ្យ​ឈ្នះ​ការ​ប្រកួត​នោះ។ នៅ​ក្នុង​ការ​ប្រកួត​សំខាន់ៗ Pirlo កម្រ​ស៊ុតបាល់ប៉េណាល់ទី​ខូច​ណាស់។

9. Ronaldinho

ក្រៅ​ពី​ទេពកោសល្យ​នៃ​ការ​ញាក់​បាល់​ដ៏​អស្ចារ្យ ខ្សែ​ប្រយុទ្ធ​សញ្ជាតិ​ប្រេស៊ីល Ronaldinho ក៏​ត្រូវ​បាន​គេ​ចាត់​ទុក​ថា គឺ​ជា​កីឡាករ​ស៊ុតបាល់​ប៉េណាល់ទី​បាន​ល្អ​បំផុត​ផង​ដែរ។ គាត់​ធ្លាប់​ជា​កីឡាករ​ដែល​លេច​ធ្លោរ​ខ្លាំង ពេល​លេង​ឲ្យ​ក្លឹប FC Barcelona។

8. Michael Ballack

ក្រៅ​ពី​តួនាទី​ជា​ខ្សែ​បម្រើ​ដ៏​មាន​ឥទ្ធិពល​ម្នាក់ Ballack ដែល​ជា​អតីតកីឡាករ Chelsea រូប​នេះ​មាន​បច្ចេកទេស​ដ៏អស្ចារ្យ​ក្នុង​ការ​ទាត់​បាល់ប៉េណាល់ទី​ផង​ដែរ។ គាត់ត្រូវ​បាន​គេ​មើល​ឃើញ​ថា ជា​កីឡាករ​ដែល​ហាក់​ដូច​ជា​មិន​មាន​សម្ពាធ​ចំពោះ​ខ្លួន​ឯង​ឡើយ ពេល​ទាត់​បាល់​ប៉េណាល់ទី​ម្ដងៗ។

7. Alessandro Del Piero

អតីត​ខ្សែ​ប្រយុទ្ធ​រូប​នេះ​ធ្លាប់​ឈ្នះពាន World Cup កាល​ពី​ឆ្នាំ 2006 និង​ត្រូវ​បាន​គេ​ទទួល​ស្គាល់​ថា គាត់មិន​ត្រឹម​តែ​មាន​ទម្រង់​លេង​ល្អ​នៅ​លើ​ទីលាន​ប៉ុណ្ណោះ​ទេ ប៉ុន្តែ​ថែម​ទាំង​មាន​សមត្ថភាព​ស៊ុតបាល់​ប៉េណាល់ទី​ដ៏​អស្ចារ្យ​ទៀត​ផង។ អតីត​ខ្សែប្រយុទ្ធក្រុម Juventus រូប​នេះ​ល្បីល្បាញ​ខាង​ពូកែ​ទាត់បាល់​ប៉េណាល់ទី។

6. Steven Gerrard

អតីត​ខ្សែបម្រើ​របស់​ក្លឹប Liverpool រូប​នេះ គឺ​ជា​កីឡាករ​អង់គ្លេស​ម្នាក់​ដែល​ពូកែ​ទាត់បាល់​ប៉េណាល់ទី។ Gerrard មាន​អត្រា​ស៊ុត​បាល់ប៉េណាល់ទី​រហូត​ដល់ 92% ហើយ​បាន​ក្លាយ​ជា​កីឡាករ​ស៊ុតបាល់ប៉េណាល់ទី​ល្អ​បំផុត​ទី 4 នៅ Premier League។

5. Cristiano Ronaldo

Ronaldo គឺ​ជា​កីឡាករ​ល្អ​បំផុត​ដែល​អ្នកគាំទ្រ​ជា​ច្រើន​ពេញ​ចិត្ត​ជា​មួយ​នឹង​ទម្រង់​លេង ភាព​ស្វាហាប់ និង​ពោរពេញ​ដោយ​ទំនុក​ចិត្ត​ក្នុង​ការ​ប្រកួត។​ គាត់​កម្រ​ស៊ុត​បាល់ប៉េណាល់​ទី​ខូច​ណាស់។ ខ្សែ​ប្រយុទ្ធ​រូប​នេះ មាន​អត្រា​នៃ​ការ​ទាត់បាល់​ប៉េណាល់ទី​រហូត​ដល់ 94% ឯណោះ។

4. Zinedine Zidane

កីឡាករ​សញ្ជាតិ​បារាំង​រូប​នេះ គឺ​ជា​កីឡាករ​ដែល​ស៊ុត​បាល់ប៉េណាល់ទី​ល្អ​បំផុត​ក្នុង​ប្រវត្តិសាស្ត្រ​បាល់ទាត់។ Zidane ជា​កីឡាករ​ម្នាក់​ដែល​លេង​ដោយ​ទំនុកចិត្ត​ខ្ពស់ ជា​ពិសេស​គាត់​កម្រ​នឹង​បរាជ័យ​ក្នុង​ការ​ទាត់បាល់​ប៉េណាល់ទី​ណាស់។

3. Frank Lampard

ក្រៅ​ពី​នាម​ជា​ខ្សែ​បម្រើ​ដ៏​ឆ្នើម​មួយ​រូប​នោះ Lampard មាន​អត្រា​ទាត់​បាល់​ពិន័យ​រហូត​ដល់ 93% និង​មាន​គ្រាប់​បាល់​ប៉េណាល់ទី​សរុប 53 គ្រាប់ ដែលក្នុង​នោះ 43 គ្រាប់​នៅ​ក្នុង​ក្របខណ្ឌ Premier League ហើយ​ធ្វើ​ឲ្យ​គាត់​ក្លាយ​ជា​កីឡាករ​ដែល​ស៊ុតបាល់​ប៉េណាល់ទី​ច្រើន​ជាង​គេ​ទីពីរ​នៅ​អង់គ្លេស​បន្ទាប់​ពី Alan Shearer។

2. Matt Le Tissier

កីឡាករ​សញ្ជាតិ​​អង់គ្លេស​រូបនេះ​ ជា​មនុស្ស​ម្នាក់​ដែល​ទាត់​បាល់​ប៉េណាល់ទី​យ៉ាង​​សាមញ្ញៗ​បំផុត ហើយ​បាន​ក្លាយ​ជា​អ្នក​ស៊ុត​បាល់​ប៉េណាល់ទី​ល្អ​បំផុត​ក្នុង​ពិភពបាល់ទាត់។ Le Tissier បាន​ចំណាយ​ពេល​ភាគច្រើន​នៃ​អាជីព​របស់​គាត់​ជាមួយ​ក្លឹប Southampton និង​មាន​អត្រា​ទាល់​បាល់​ប៉េណាល់ទី​រហូត​ដល់ 98%។

1. Alan Shearer

អាច​និយាយ​បាន​ថា វីរបុរស​របស់​ក្លឹប Newcastle រូប​នេះ ជា​កីឡាករ​ដែល​ទាត់​បាល់ប៉េណាល់ទី​បាន​ល្អ​ជាង​គេ​បំផុត ដោយ​គាត់​បាន​ស៊ុតបាល់ប៉េណាល់​ទី​​រហូតដល់ 56 គ្រាប់ នៅ​ក្របខណ្ឌ Premier League ហើយ​បាន​ធ្វើ​ឲ្យ​គាត់​ក្លាយជា​កីឡាករ​ដែល​ស៊ុតបញ្ចូលទី​ច្រើន​ជាង​គេ​នៅ​លីគកំពូល​របស់​អង់គ្លេស​ផង​ដែរ។

ប្រភព: Sportskeeda

Trending

© រក្សា​សិទ្ធិ​គ្រប់​យ៉ាង​ដោយ​ X-SPORT ឆ្នាំ​ ២០២២