Connect with us

បាល់ទាត់អន្តរជាតិ

Joelinton និយាយ​ថា អាវ​លេខ 10 របស់ Newcastle កំពុង​រងចាំ Neymar

Published

on

ខ្សែ​ប្រយុទ្ធ Joelinton ចង់​មិត្ត​រួម​សញ្ជាតិ​របស់​គាត់ Neymar Jr មក​ចូលរួម​ជាមួយ​គាត់​នៅ Newcastle ហើយ​ផ្ទេរ​ពី​ក្លឹ​ប​យក្ស​បារាំង Paris Saint-Germain ដោយ​និយាយ​ថា អាវលេខ 10 របស់​ក្លឹប Newcastle កំពុង​រង់ចាំ Neymar។

យ៉ាង​ណា​មិញ Neymar ត្រូវ​បាន​គេរាយការណ៍​ថា កំពុង​ត្រូវ​បានប្រធាន​ក្លឹប PSG មាន​ចេតនា​លក់​គាត់​ចេញ​នៅ​រដូវក្ដៅ​នេះ ដោយ​សារ​ការ​ចំណាយ​របស់​ក្លឹប​ទៅ​លើ​គាត់ ធំជាង​អ្វី​ដែល​ក្លឹប​ទទួល​បាន។

ដោយ​ឡែក បន្ទាប់​ពី​ដឹង​ដំណឹង​របស់ PSG ពេល​នេះ​ក្លឹប​តោខៀវ Chelsea និង Manchester United បាន​បង្ហាញ​ចំណាប់​អារម្មណ៍​ខ្លាំង​លើ​កីឡាករ​វ័យ 30 ឆ្នាំ​រូបនេះ ប៉ុន្តែ Newcastle ជា​ក្លឹបតែ​មួយ​គត់​ដែល​អាច​ផ្តល់​ប្រាក់​ខែ​ដ៏ច្រើន​របស់​ Neymar បាន គឺ​រហូត​ដល់ 490,000 ផោន ក្នុង​មួយ​សប្តាហ៍។

តារា​ឆ្នើម​របស់ Newcastle គឺ​កីឡាករ Joelinton បាន​បញ្ចុះ​បញ្ចូល​មិត្ត​រួម​ក្រុម​សញ្ជាតិ​ប្រេស៊ីល​ដូច​គ្នា​គឺ​កីឡាករ Bruno Guimaraes ផ្ទេរ​មក Newcastle កាល​ពី​ដើម​ឆ្នាំ​នេះ ហើយ​គាត់​ជឿជាក់​ថា Bruno Guimaraes មាន​ទំនាក់ទំនង​ជា​មួយ Neymar ហើយ Bruno អាច​ធ្វើ​ឲ្យ Neymar ផ្ទេរ​មក Newcastle បាន។

ថ្លែងទៅ​កាន់ Cast FC កីឡាករ Joelinton បាន​និយាយ​ថា៖ “យើង​អាច​មាន​កន្លែង​មួយ​សម្រាប់​គាត់ (Neymar)។… បុរស​ម្នាក់​នោះ គឺ​ជា Idol ដ៏​ធំ​ក្នុង​ពិភព​បាល់ទាត់ ដូច្នេះ​​ការ​ហៅគាត់​មកចូលរួម​ជា​មួយ​យើង​ពិត​ជាអាច​ទៅ​រួច”។

Joelinton ​បាន​បន្ថែម​ទៀតថា​: “​អាវ​លេខ 10 កំពុង​រង់ចាំ​គាត់។ ខ្ញុំ​នឹង​ផ្ញើសារ​ទៅ Bruno។ Bruno មាន​ទំនាក់ទំនង​ជាមួយ​គាត់។ គាត់​​អាច​ផ្ញើ​សារ​អញ្ជើញ Neymar ឲ្យ​មក​លេង​នៅ​ទីនេះ”។

ទោះ​ជា​យ៉ាង​ណា​បច្ចុប្បន្ន​នេះ អាវ​លេខ 10 នៅ​ក្លឹប Newcastle ត្រូវ​បាន​ពាក់​ដោយ​ខ្សែ​ប្រយុទ្ធ​សញ្ជាតិ​បារាំង Allan Saint-Maximin។ ប៉ុន្តែ​ប្រសិន​បើ Neymar ផ្ទេរ​មក​មែន​នោះ ប្រហែល​ជា​ពួក​គេ​អាច​នឹង​សម្រួល​លេខ​អាវ​នេះ​ទៅ​ឲ្យ Neymar ហើយ​ឲ្យ Allan Saint-Maximin ពាក់​លេខ​ផ្សេង។

ប្រភព: Thesun

Trending

© រក្សា​សិទ្ធិ​គ្រប់​យ៉ាង​ដោយ​ X-SPORT ឆ្នាំ​ ២០២២